अपटेड समाचार
सांकेतिक

अनुहार स्क्यान गरेपछि मात्र चीनमा नयाँ ग्राहकले मोबाइल सेवा पाउने, फेसियल रिकोग्निसन अनिवार्य

काठमाडौं । चीनले आइतवारदेखि मोबाइल फोन यूजर्सका लागि फेसियल रिकोग्निसनको नयाँ कानून लागू गरेको छ । नयाँ नियमअनुसार चीनका टेलिकम अपरेटरहरुले आफना प्रयोगकर्ताहरुको फेसलाई स्क्यान गरेर मात्र नयाँ मोबाइल फोन सेवाको लागि दर्ता गर्न सक्नेछन् ।

चिनियाँ सरकारले भने सो कदम धोकाधडी रोक्ने उद्धेश्यले ल्याएको बताएको छ ।

गएको सेप्टेम्बरमा घोषणा गरिएको नयाँ नियमअन्तरगत चीनमा लाखौं थप मानिसहरु फेसियल रिकोग्निसन टेक्नोलोजीको सिधा प्रयोगमा आउनेछन् ।

चीनको मिनिष्ट्री अफ इन्डष्ट्रि एण्ड इनफर्मेसन टेक्नोलोजी(एमआईआईटी) ले कुन कम्पनीबाट सो प्रविधि टेलिकम कम्पनीहरुका लागि उपलब्ध गराईएको बताएको छैन् । चीनमा सेन्सटाइम र मेग्भीजस्ता फेसियल रिकोग्निसन सफ्टवेयरका विश्वका नेतृत्वदायी कम्पनीहरु संचालनमा छन् ।

नयाँ नियमपछि चीनका सम्पूर्ण टेलिकम अपरेटरहरुले फेसियल रिकोग्निसन टेक्नोलोजी अनिवार्य प्रयोग गर्नुपर्नेछ भने नयाँ मोबाइल फोन एकाउन्ट खोल्नका लागि मानिसहरुको पहिचान भेरिफाई सो प्रविधि प्रयोग गर्नेछन् ।

यो नियम चीनका ठूला तीन टेलिकम कम्पनीहरु चाइना टेलिकम, चाइना यूनिकम र चाइना मोबाइलले लागू गर्नुपर्नेछ । नयाँ ग्राहकहरुका लागि लागू भएपनि पुराना ग्राहकहरुका लागि भने कसरी यो कानून लागू हुन्छ भन्ने अझै स्पष्ट छैन् ।

चीनमा फेसियल रिकोग्निसन टेक्नोलोजी यसअघि नै एयरपोर्ट, सुपरमार्केट,लगायतमा प्रयोग भईरहेका छन् ।टेक जायन्ट अलिबाबाले समेत आफ्ना ग्राहकहरुलाई फेसियल रिकोग्निसन प्रविधिमार्फत हेमा सूपरमार्केट चेनमा रकम भुक्तानी गर्न सकिने सुविधा दिएको छ ।

चीनले सो नयाँ कानून लागूगरेसँगै त्यसको दूरुपयोग हुने र व्यक्तिगत गोपनियता भंग हुने आशंका समेत गरेका छन् । रोयटर्स

Leave a Reply