विश्वभर ४८ करोड मोबाइल भीपीएन डाउनलोड, निशुल्क भीपीएनको डाउलोड ८४.३ प्रतिशत

Technology Khabar १४ मंसिर २०७६, शनिबार

विश्वभर ४८ करोड मोबाइल भीपीएन डाउनलोड, निशुल्क भीपीएनको डाउलोड ८४.३ प्रतिशत
Classic Tech

काठमाडौं । विश्वभर ४८ करोड भन्दा बढि मोबाइल भीपीएन विगत १२ महिनामा डाउनलोड भएको छ । यो संख्या एन्ड्रोयड र आईओएस एप स्टोर दुबैको कुल मिलाएर हो ।

हालै आएको एक रिपोर्टअनुसार मोबाइल भीपीएनको डाउनलोड अघिल्लो वर्षको तुलनामा ५४ प्रतिशतले बढेको छ । अघिल्लो वर्ष यस्तो संख्या ३१ करोड १० लाख रहेको थियो ।

४८ लाख डाउनलोड मध्ये ७५ प्रतिशत अर्थात ३५ करोड ८३ लाख डाउनलोड एन्ड्रोयडबाट मात्र भएको छ भने बाँकी भीपीएन एप्स आईओएस एप्स रहेका छन् । एन्ड्रोयडका प्रयोगकर्ता धेरै भएको हुँदा यस्तो भिन्नता हुनु स्वभाविक हो ।

तथ्यांकअनुुसार २०१८/१९ को अवधिमा भीपीएन एप्स डाउनलोडको संख्यामा ५४ प्रतिशतले वृद्धि भएपनि यो अघिल्लो वर्षको तुलनामा करिब ३ प्रतिशत कम नै हो ।

‘यस्तो डाउनलोड सबैभन्दा धेरै एशिया प्यासिफिक क्षेत्रमा देखिएको छ, जहाँ निकै धेरै राजनीतिक र सामाजिक पक्राउ विगत १२ महिनामा भएका थिए, सो क्षेत्रमा १८ करोड ८० लाख भीपीएन एप्स डाउनलोड गरिएको थियो र यो गत वर्षको कुल डाउनलोडको तुलनामा दोब्बर भन्दा बढि हो,’ रिपोर्ट प्रकाशित गर्ने टप१० भीपीएनका रिसर्च हेड सिमोन मिग्लिआनोले भने ।

सबैभन्दा धेरै मोबाइल भीपीएन डाउनलोड हुने देशमा इन्डोनेशिया रहेको छ जहाँ ५ करोड ५५ लाख मोबाइल भीपीएन डाउनलोड भएका थिए । त्यसपछि अमेरिकामा यस्तो डाउनलोड संख्या ७ करोड ५६ लाख छ भने तेस्रो स्थानमा भारत रहेको छ ।

भारतमा ५ करोड ७० लाख मोबाइल भीपीएन एप्स डाउनलोड गरिएको थियो । भारतमा मोबाइल भीपीएन एप्स डाउनलोडमा ४०५ प्रतिशतको वृद्धि अघिल्लो वर्षको सोहि अवधिको तुलनामा देखिएको छ ।

टप१०भीपीएनको रिपोर्टअनुसार ४८ करोड डाउनलोड मध्ये ८४.३ प्रतिशत डाउलोड निशुल्क प्रयोग गर्न मिल्ने मोबाइल भीपीएन एप्सहरु थिए ।

डाउनलोड भएका मोबाइल भीपीएनमध्ये सबैभन्दा धेरै टर्बोभीपीएन डाउनलोड भएको छ । यो भीपीएन ५ करोड १३ लाख पटक डाउनलोड छ भने दोस्रो स्थानमा हटस्पट शिल्ड ४ करोड २५ लाख डाउनलोड र तेस्रो स्थानमा बेटरनेट २ करोड ९९ लाख डाउनलोड रहेको छ ।

सबैभन्दा धेरै डाउनलोड हुने भीपीएनमध्ये दुईवटा सशुल्क भीपीएन एप रहेका छन् । नर्डभीपीएन र एक्सप्रेस भीपीएन सशुल्क मोबाइल भीपीएन एप हुन् ।के हो भीपीएन ?
भर्च्यूअल प्राइभेट नेटवर्कको छोटकरी नाम हो भीपीएन । भीपीएनले तपाईँको इन्टरनेट कनेक्सनलाई लिन्छ र त्यसलाई थप सुरक्षित बनाउँछ, यसले इन्टरनेट गतिबिधिलाई लुकाउँछ र तपाईँलाई विज्ञापनहरु, ट्राफिक इन्टरसेप्ट अथवा मालिसियल साइटहरुबाट नदेखिने बनाएर गोप्यरुपमा इन्टरनेटमा एक्सेस दिन्छ ।

भीपीएनमार्फत कुनै क्षेत्रमा ब्लक गरिएका कन्टेन्टहरु समेत सजिलै हेर्न सकिन्छ र त्यसलाई अन्य कसैले पत्ता लगाउन सक्दैन् ।

तपाईँले भीपीएनलाई तपाईँको कम्प्यूटर, फोन वा डिभाइसहरु जस्तै स्मार्ट टिभी, वाईफाई राउटर, गेम्स कन्सोललगायतबाट संचालन गर्न सक्नुहुन्छ ।

अधिकांश भीपीएनहरु निशुल्क उपलब्ध रहेका छन भने केहि भीपीएनहरुले थप शुल्कसहित बढि सुविधा दिन्छन् ।

TK Viber

प्रकाशित: १४ मंसिर २०७६, शनिबार

Loading...