Technology Khabar १३ मंसिर २०७६, शुक्रबार
काठमाडौं ।
काठमाडौं । जिएसएमए अन्तरगतका टेलिकम क्षेत्रमा सक्रिय तीन कम्पनीहरु ओरेन्ज, रिलायन्स जियो र एमटिएन कम्पनीहरुले ह्याण्डसेट निर्माता कम्पनीहरुलाई २० डलर बिक्री मूल्य भएको स्मार्टफोन बनाउन सकिने बारेमा छलफल गरेका छन् ।
टेलिकम उद्योगका यी तीन कम्पनीहरुले इमर्जिंग मार्केटहरुका लागि संभावित २० डलर मूल्य भएको स्मार्टफोन उत्पादन गर्न सकिने संभावनाको बारेमा जानकारी माग गरेका छन् ।
सो ग्रुपले रिक्वेस्ट फर इन्फर्मेसन(आरएफआई) डिभाइस भेण्डरहरुलाई जारी गर्दै ३१ डिसेम्बरभित्र संभावित जानकारी दिन अनुरोध गरेका हुन् ।
सो मूल्यको स्मार्टफोन बजारमा शुरुवातको रुपमा जानेछ जसलाई जीएसएमएले डिभाइसलाई अगाडि बढाउन सहयोग गर्ने बताएको छ ।
यो प्रयासले स्मार्टफोनको इन्ट्रि लेभलको खर्चलाई न्यून गर्नेछ र जो स्मार्ट फिचर फोनमा बेसिक डाटा सेवा लिईरहेका छन्, उनीहरुलाई थप एडभान्स सेवाहरु दिन यस्तो डिभाइस प्रयोग गर्न सक्नेछन् ।
‘यो प्रकृतिको प्रयासले न्यून आय भएका यूजरहरुको लागि विश्वव्यापी कनेक्टिभिटीको अवरोधलाई भत्काउन सक्नेछ,’ सो प्रस्ताव डकुमेन्टमा भनिएको छ ।
यस्तो डिभाइसहरु नयाँ बिस्तार भईरहेका बजारहरुमा समावेशिताको लागि उपयोग गरिनेछ, जसमा भारत र अफ्रिका प्रमुख संभावना भएका क्षेत्रहरु रहेका छन् ।
डिभाइस निर्माता कम्पनीहरुले थ्रीजी स्मार्टफोन, फोरजी स्मार्टफोन र फोरजी स्मार्ट फिचर फोनको लागि न्यूनतम स्पेशिफिकेसनमा आधारित रहेर आपूर्ति लागत र प्रतिबद्धताको प्रस्ताव दिनुपर्नेछ । त्यस्तो प्रस्तावमा पूरै नयाँ कम्पोनेन्टहरु प्रयोगसहितको स्मार्टफोनको लागि हुनुपर्नेछ । एजेन्सी
प्रकाशित: १३ मंसिर २०७६, शुक्रबार