स्पेनको रक्षा मन्त्रालयद्धारा ह्वावेका डिभाइस प्रयोगमा प्रतिबन्ध, सर्भर सिस्टम पहुँचमा रोक लगायो

Technology Khabar १२ मंसिर २०७६, बिहीबार

स्पेनको रक्षा मन्त्रालयद्धारा ह्वावेका डिभाइस प्रयोगमा प्रतिबन्ध, सर्भर सिस्टम पहुँचमा रोक लगायो
Classic Tech
Nepal Telecom

काठमाडौं । अमेरिकी प्रतिबन्धमा परेको चिनियाँ टेलिकम्यूनिकेसन कम्पनी ह्वावे थप समस्यामा परेको छ । ह्वावेका उत्पादनहरु अब स्पेनमा पनि प्रतिबन्धमा पर्ने भएका हुन् ।

अमेरिका र चीनबिचको व्यापार युद्धको बिचमा चेपिएको जायन्ट कम्पनी ह्वावेलाई अब स्पेनको डिफेन्स मिनिस्ट्रिले पनि प्रतिबन्ध लगाएको हो ।

अमेरिकाको जस्तै स्पेनले पनि उस्त कारण देखाउँदै ह्वावेलाई आफ्ना सिस्टममा प्रयोग हुने उपकरणहरुमा प्रयोगमा रोक लगाएको हो ।

स्पेनको मिनिस्ट्र अफ डिफेन्सले ह्वावेका सम्पूर्ण डिभाइसहरुलाई आफ्नो डाटा सर्भरहरु जसमा कर्मचारीहरुको ईमेलहरु समेत समावेश छ; त्यसको पहुँचमा रोक लगाएको स्पेनी अनलाइन ला इन्फोम्यासियनले दिएको छ ।

मन्त्रालयले विशेषगरि ह्वावेका डिभाइसहरुलाई संवेदनशिल डाटाहरुको पहुँचमा रोक लगाएको हो तर त्यसले उपभोक्ताहरुका लागि भने ह्वावे डिभाइसहरु प्रयोगमा रोक लगाएको छैन् ।

सो मन्त्रालयका सदस्यहरुले भने अझै उनीहरुको व्यक्तिगत ह्वावे डिभाइसहरु प्रयोग गर्न सक्नेछन्, तर उनीहरुले मन्त्रालयको सर्भरहरुबाट ईमेलसहितका अन्य डाटाहरु हेर्नुपर्ने भएमा भने अन्य डिभाइसहरु प्रयोग गर्नुपर्ने हुन्छ । यसको अर्थ मन्त्रालयका कर्मचारीहरुले उनीहरुको कार्यालयमा कुनै अन्य नेटवर्कहरुमा ह्वावेका डिभाइसहरु कनेक्ट गर्न सक्नेछैनन् । कर्मचारीले आफ्नो ईमेल ह्वावेका स्मार्टफोन वा ट्याबलेटबाट हेर्नसमेत पाउने छैनन् ।

सो प्रतिबन्धको बारेमा मेसेजमार्फत सबै हेडक्वाटरहरुमा जानकारी दिईएकोछ भने सो मन्त्रालयमा कार्यरत सबैका लागि लागू हुने बताईएको छ । जो यूजर्सले उनीहरुको कुनै एक डिभाइस कनेक्ट छ भने तत्काल डिसकनेक्ट हुने बताईएको छ ।

यो प्रतिबन्ध लगाउनुको कुनै कारण दिईएको छैन् । तर पनि ह्वावेमाथि लाग्दै आएको उपकरणहरुमार्फतको जासुसी आधार भएको अनुमान

छ ।
ह्वावेले भने त्यस्तो गतिबिधि नगरेको दाबी गर्दै आएको छ ।

माध्यम स्रोत

TK Viber

प्रकाशित: १२ मंसिर २०७६, बिहीबार

Loading...