Technology Khabar १० मंसिर २०७६, मंगलवार
काठमाडौं ।
काठमाडौं । ओपोको सब ब्राण्ड रियलमीले आफ्नो पहिलो ५जी स्मार्टफोन आगामी वर्ष लन्च गर्ने भएको छ । रियलमीले ल्याउने आफ्नो पहिलो ५जी स्मार्टफोन रियलमी एक्स५० ५जीमा दुईवटा सेल्फी क्यामरा हुने बताईएको छ ।
रियलमीले आफ्नो पहिलो फ्ल्यागशिप एक्स२ प्रो यो वर्षको शुरुवातमा लन्च गरेको थियो । यसमा कम्पनीले स्न्यापड्रागन ८५५ प्लस चीपसेट प्रयोग गरेको छ भने विभिन्न प्रिमियम स्पेसिफिकेसन राखेको छ । अब भने कम्पनीले त्यो भन्दा पनि उच्च तहको सेगमेन्टमा जान लागेको छ र त्यसमा रियलमी एक्स५० ५जी आउने छ ।
कम्पनीका सीएमओ झु क्वि चेजले वेबोमा जानकारी दिए । उनकाअनुसार यो फोनमा दुईवटा क्यामराहरु माथिल्लो भागको बाँया कुनामा हुनेछ र यो पन्च होल डिस्प्ले डिजाइनमा हुनेछ । यसको अर्थ एक्स५० ५जी सो ब्राण्डको पहिलो फाइभजी स्मार्टफोनका साथै होल इन डिस्प्ले भएको पहिलो ब्राण्डको स्मार्टफोन पनि बन्नेछ ।
कम्पनीले एक्स सिरिजलाई प्रिमियम सेगमेन्टको रुपमा ल्याउन लागेको छ जसमा नयाँ प्रविधिहरुसहितका डिभाइस आउनेछन् । कम्पनीले एक्स २ बाट एक्स ५० राख्नुको कारण समेत दिएको छ । जसमा एक्सले सिरिज जनाउने छ भने ५ ले ५जी पुस्तारको स्मार्टफोनहरु बताउँछ भने शुन्य अर्थात जिरोले नयाँ शुरुवात भन्ने दर्शाउने कम्पनीका सीएमओ चेजले जानकारी दिए ।
रियलमी एक्स५० ५जी स्मार्टफोन ५जी स्ट्याण्डअलोन र नन स्ट्याण्डअलोन ५जी नेटवर्कहरु दुबैमा प्रयोग गर्न सकिने बताईएको छ ।
कम्पनीले यो स्मार्टफोन कुनैपनि बेला लन्च गर्नसक्ने गरि तयारी गरेको रिपोर्टमा उल्लेख छ ।
प्रकाशित: १० मंसिर २०७६, मंगलवार