Technology Khabar १ मंसिर २०७६, आईतवार
काठमाडौं ।
काठमाडौं । नेपाल टेलिकमको चालु आर्थिक वर्षको पहिलो त्रैमासमा नाफा घटेको छ । कम्पनीले सार्वजनिक गरेको वित्तीय विवरणअनुसार गत वर्षको पहिलो त्रैमासको अवधिको तुलनामा यो वर्षको सोहि अवधिमा करिब २१ करोड रुपैयाँले नाफा कम भएको हो ।
कम्पनीले चालु आवको पहिलो त्रैमासिमा कुल ३ अर्ब २४ करोड ६७ लाख खुद नाफा आर्जन गरेको छ । गतवर्ष सोहि अवधिमा कम्पनीले ३ अर्ब ४५ करोड ७५ लाख खुद नाफा कमाएको थियो ।
यसैगरि कम्पनीले सेवा बिक्री गरेबापत हुने आम्दानीमा पनि कमी आएको देखिएकोछ । कम्पनी यस अवधिमा ४५ करोड रुपैयाँ कम आम्दानी गरेको हो । टेलिकमले पहिलो त्रैमासिमा ९ अर्ब ४ करोड रुपैयाँ सेवाग्राहीबाट आम्दानी गरेको छ भने सोहि अवधिमा गत वर्ष ९ अर्ब ४९ करोड रुपैयाँ आर्जन गरेको थियो ।
संचालन र प्रशासनिक खर्च बढाएको नेपाल टेलिकमले आफ्नो व्यवसायको प्रबद्र्धनमा हुने खर्च भने घटाएको छ । कम्पनीले बिक्री माध्यम, बजारीकरण र प्रर्बद्धन लागत चालु आवको पहिलो त्रैमासमा ११ करोड ८१ लाख रुपैयाँ खर्च गरेको छ । यस्तो खर्च सोहि अवधिमा गत वर्ष ४३ करोड ८४ लाख रुपैयाँ रहेको थियो ।
कम्पनीको चुक्ता पूँजी १५ अर्ब रुपैयाँ रहेकोमा जगेडा कोषमा भने ८९ अर्ब ४६ करोड रुपैयाँ जम्मा भएको छ ।
कम्पनीले आम्दानी घट्नुमा यसअघिको जस्तै चुनौतीहरु कारण्क रहेको देखाएको छ । टेलिकमकाअनुसार चालु आवको पहिलो त्रैमासमा आम्दानी घटाउने चुनौतीहरु यस्ता छन्
समस्याहरु तथा चुनौतीहरु
बाह्य
आन्तरिक
नेपाल टेलिकमले बाह्य चुनौतीको रुपमा बजार प्रतिस्पर्धालाई पहिलो स्थानमा राखेको देखिन्छ भने अर्कोतर्फ आफ्नो व्यवसाय र सेवाको प्रबद्र्धनमा गरिने खर्चलाई कटौती गरेर आफैं अस्पष्ट नीतिमा रहेको देखिएको छ ।
प्रकाशित: १ मंसिर २०७६, आईतवार