स्मार्टफोन मेकर भीभोको नयाँ स्मार्टफोन भीभो एस५ लन्च, डाइमण्ड सेपमा क्वाड रियर क्यामरा

Technology Khabar ३० कार्तिक २०७६, शनिबार

स्मार्टफोन मेकर भीभोको नयाँ स्मार्टफोन भीभो एस५ लन्च, डाइमण्ड सेपमा क्वाड रियर क्यामरा

काठमाडौं ।

काठमाडौं । स्मार्टफोन मेकर भीभोले आफ्नो एस सिरिजको नयाँ स्मार्टफोन भीभो एस५ (Vivo S5) चीनमा लन्च गरेको छ । कम्पनीले यो स्मार्टफोनमा पंच होल डिस्प्ले डिजाइन राखेको छ भने क्वाड रियर क्यामरा सेटअप रहेको छ ।

यो डिभाइसको रियर क्यामरा सेटअपको डिजाइन नयाँ किसिमको रहेको छ जसलाई डायमण्ड शेप क्यामरा मोड्यूल छ, जसमा तीन सेन्सरहरुछन भने चौथो सेन्सर क्यामरा मोड्यूलको बटममा राखिएको छ ।

भीभो एस५ स्मार्टफोनमा ६.४४ इन्चको फूल एचडी प्लस ओएलईडी डिस्प्ले राखिएको छ भने यसमा इन डिस्प्ले फिंगरप्रिन्ट सेन्सर रहेको छ । यसबाहेक यसमा डिसी डिमिंगको सपोर्ट पनि रहेको छ ।

भीभो एस५ स्मार्टफोनमा क्वालकम स्न्यापड्रागन ७१२ प्रोसेसर छ भने ८ जीबी र्याम रहेको छ ।

फोनमा पावरको लागि ४,१०० एमएएचको ब्याट्री प्याक छ भने २२.५ वाटको फ्ल्याश चार्ज सपोर्ट रहेको छ ।

भीभोले ल्याएको नयाँ स्मार्टफोनमा रियर क्वाड क्यामरा सेटअप रहेको छ । जसमा ४८ मेगापिक्सेलको मूल्य क्यामरासहित ८ मेगापिक्सेल प्लस २ मेगापिक्सेल प्लस ५ मेगापिक्सेलको क्यामरा सेन्सर छ । सेल्फीका लागि भने ३२ मेगापिक्सेलको फ्रन्ट फेसिंग क्यामरा रहेको छ ।

भीभोले यसमा केहि टर्बो फीचरहरु राखेको छ जसमा सेन्टर टर्बो, एआई टर्बो, कुलिंग टर्बो, नेट टर्बो, गेम टर्बो र नयाँ एआरटी प्लस प्लस टर्बो रहेको छन् ।कम्पनीकाअनुसार यी फीचरहरुले यूजर्सलाई अप्टिमम परफरमेन्स अफर दिन्छ ।

भीभो एस५ को ८ जीबी र्याम र १२८ जीबी स्टोरेज भेरिएन्टको मूल्य २,६९८ यूआन अर्थात करिब ४६ हजार रुपैयाँ तोकिएको छ भने ८ जीबी र्याम र २५६ जीबी स्टोरेजको मूल्य २,९९८ यूआन अर्थात करिब ५१ हजार रुपैयाँ तोकिएको छ ।

भीभो एस५ स्मार्टफोन चीनमा नोभेम्बर २२ तारिखदेखि बिक्री शुरु हुनेछ भने अन्य बजारमा कहिले उपलब्ध हुन्छ भन्ने जानकारी छैन् ।

नेपाली बजारमा भीभोले एस सिरिजको एस १ स्मार्टफोन लन्च गरेको थियो भने छिटै भीभो एस १ प्रो ल्याउने तयारी गरिरहेको छ । तर यो नयाँ स्मार्टफोन भीभो एस ५ आउँछ वा आउँदैन भन्ने जानकारी छैन् ।

Global Bank
easy care

प्रकाशित: ३० कार्तिक २०७६, शनिबार

ताजा समाचार