२०१९ को तेस्रो चौमासमा ल्यापटप उत्पादक एसरले कमायो उच्च नाफा

काठमाडौं । एसरले सन् २०१९ को तेस्रो चौमासमा एकिकृतरुपमा २.०५ बिलियन अमेरिकी डलर आम्दानी गरेको छ । कम्पनीले आफ्नो व्यापारमा सो अवधिमा १४ प्रतिशतले वृद्धि गर्दै १०.६ प्रतिशतको कुल नाफा हासिल गर्न सफल भएको छ ।

कम्पनीको खुद नाफा र अर्निंग पर शेयर दुबैमा गएको ८ चौमासमध्ये सबैभन्दा धेरै देखिएको छ ।

एसरले हालै मात्र नयाँ वेयरेबल डिभाइस ‘क्लिक टू प्रे ईरोजरी’ लन्च गरेको थियो, जून क्याथोलिकहरुका लागि लक्षित गरेर पोपको वल्र्डवाइड प्रेयर नेटवर्कसँग मिलेर ल्याएको हो ।

यसबाहेक कम्पनीले हालै बायो मेडिकल डेभलपर नोभार्टिस ताइवानसँग सम्झौता गरेको छ जसमा कम्पनीको आर्टिफिसियल इन्टेलिजेन्स सिस्टमहरु मेडिकल एप्लिकेसन्सको लागि प्रयोग गरिनेछ । एजेन्सी

Leave a Reply