Technology Khabar २१ कार्तिक २०७६, बिहीबार
काठमाडौं ।
काठमाडौं । एनसेल प्रालिले नेपालमा पहिलो पटक नयाँ प्रविधि प्रयोग गरेर ग्राहकहरुलाई इन्टरनेट सेवा दिन सुरु गरेको छ । कम्पनीले फिक्स्ड वायरलेस इन्टरनेट सेवा संचालन गरेको सार्वजनिक सूचनामार्फत जानकारी गराएको हो ।
यसमा रेडियो रिसिभर ट्रान्समिटरका साथमा राउटरको प्रयोग गरी सिधै ग्राहकको घरमा वायरलेस ब्रोडब्याण्ड इन्टरनेट पुर्याउन सकिन्छ ।
एनसेलले कैलालीको टिकापुरमा मात्रै वायरलेस ब्रोडब्यान्ड सेवा उपलब्ध गराउन थालेको हो ।
एनसेलले हालका लागि फिक्स्ड वायरलेस इन्टरनेटअन्तरगत दुई वटा प्लान ल्याएको छ । जसमध्ये ५९९ रुपैयाँमा अनलिमिटेड ५० जीबी डाटा उपलब्ध हुनेछ भने अर्को ३४९ रुपैयाँमा अनलिमिटेड २५ जीबी डाटा प्याक उपलब्ध हुनेछ ।
३० दिनसम्म प्रयोग गर्न सकिने प्लानको डाटा भोल्युम सकिएपछि भने इन्टरनेटको गति १ एमबीपीएस हुने कम्पनीले उल्लेख गरेको छ।
कम्पनीले वायरलेस ब्रोडब्यान्ड सेवा प्रयोगकर्ताका लागि निःशुल्क एनसेल वायरलेस ब्रोडब्याण्ड राउटर पनि दिने जानकारी दिएको छ ।
प्रकाशित: २१ कार्तिक २०७६, बिहीबार
