एन्ड्रोइड मोबाइल फोनका लागि ह्वाट्सएपको फिंगरप्रिन्ट लक फीचर आयो, यसरी गर्नुस् प्रयोग

Technology Khabar १६ कार्तिक २०७६, शनिबार

एन्ड्रोइड मोबाइल फोनका लागि ह्वाट्सएपको फिंगरप्रिन्ट लक फीचर आयो, यसरी गर्नुस् प्रयोग
NTC_Advt

काठमाडौं ।

काठमाडौं । एन्ड्रोयड स्मार्टफोनमा ह्वाट्सएप प्रयोग गर्ने प्रयोगकर्ताका लागि खुशीको समाचार छ। अब एन्ड्रोइड मोबाइल फोन प्रयोगकर्ताहरूले ह्वाट्सएपमा फिंगरप्रिन्ट लक पनि प्रयोग गर्न सक्दछन्।

ह्वाट्सएपले पहिले यो सुविधा आईओएसको लागि सुरू गरेको थियो र अब एन्ड्रोइड प्रयोगकर्ताहरूले पनि सो सुविधाको फाइदा लिन सक्दछन्।

ह्वाट्सएपले एन्ड्रोइड प्रयोगकर्ताहरूका लागि यो नयाँ सुविधा सुरू गरेको छ र यस मार्फत बायोमेट्रिक प्रमाणीकरण गर्न सकिन्छ।

ह्वाट्सएपले भनेको छ कि फिंगरप्रिन्ट स्क्यानरहरू मात्र दिइएका स्मार्टफोनहरूले यसको फाइदा लिन सक्नेछन्। यसका लागि ह्वाट्सएपको एप अपडेट गर्नुपर्नेछ र तपाईंले यसलाई म्यानुअल्ली सेटिङ्ग गर्नुपर्नेछ।

ह्वाट्सएपले भनेको छ कि, ‘ती एन्ड्रोइड स्मार्टफोनहरू जसमा फिंगरप्रिन्ट स्क्यानरहरू दिइएका छन्, त्यसमा मात्रै प्रयोगकर्ताहरूले फिंगरप्रिन्ट स्क्यानरहरू मार्फत ह्वाटसएप लक गर्ने सुविधा प्राप्त गर्नेछन्।’

यसरी गर्नुस एन्ड्रोइड प्रयोगकर्ताहरूले फिंगरप्रिन्ट लक

ह्वाटसएप खोल्नुहोस् र यसको सेटिंग्समा जानुहोस्। सेटिंग्समा एकाउन्टलाई छान्नुहोस् र यसमा प्राइभेसी अप्सनमा जानुहोस्। यस अप्शन भित्र तपाईंले फिंगरप्रिन्ट लकको विकल्प पाउनुहुनेछ। यसपछि तपाईँले यसलाई सुचारु गरेर कन्फर्म गर्नुपर्छ। यो अप्सनको भेरिफाई हुने बित्तिकै तपाईंले फेरि ह्वाटसएप खोल्नको लागि फिंगरप्रिन्ट प्रमाणीकरण प्रयोग गर्नुपर्नेछ।

चाहिँदैन् तेस्रो पक्षिय एप्स

पहिले एन्ड्रोइड प्रयोगकर्ताहरूले ह्वाटसएपमा फिंगरप्रिन्ट लकको लागि थर्ड पार्टी एप्सको प्रयोग गर्नुपर्ने थियो, तर अब ह्वाटसएपको यस सुविधाको साथ, तपाईं कुनै पनि तेस्रो पक्ष एप्स बिना नै फिंगरप्रिन्ट लक गर्न सक्षम हुनुहुनेछ।

प्रकाशित: १६ कार्तिक २०७६, शनिबार