पूर्व स्वामित्व भएका स्मार्टफोन कारोबारमा भारतीय बजारमा एप्पल अन्य ब्राण्डभन्दा अगाडि

काठमाडौं ।

काठमाडौं । छिमेकी मुलुक भारतमा एप्पलले अन्य स्मार्टफोन ब्राण्डहरुलाई प्री-ओन्ड अर्थात पूर्व स्वामित्व भएका स्मार्टफोन बजारमा पछाडि पारेकोछ ।

एप्पलले पुरानो फोनको खरिद बिक्रीमा सामसंग, शाओमी, भीभो, ओपो र वनप्लसजस्ता ब्राण्डलाई पछाडि पारेर पहिलो रुचीको फोन भएको हो ।

सेकेण्ड ह्याण्ड सामाग्रीहरु बेच्ने कम्पनी ओएलएक्सले सार्वजनिक गरेको नयाँ अध्ययनअनुसार सन् २०१९ मा लिस्टेड भएका स्मार्टफोनहरुमध्ये १९ प्रतिशत आइफोन रहेका थिए ।

सो अध्ययनअनुसार प्लेटर्फममा लिस्टेड स्मार्टफोनहरुमध्ये सामसंग १६ प्रतिशत लिस्टेड भएको थिए भने बिबिके इलेक्ट्रोनिक्स अर्थात भीभो, ओपो र वनप्लस १४ प्रतिशत, शाओमी १३ प्रतिशत र अन्य ब्राण्डहरुले समग्रमा ३८ प्रतिशत रहेका छन् ।

त्यसैगरि मागको आधारमा हेर्दा पनि एप्पलको आइफोनको माग १९ प्रतिशत रहेको छ भने त्यसभन्दा ठिक पछाडि शाओमी १८ प्रतिशत शेयरसहित रहेको छ । त्यसैगरि सामसंग र बिबिके इलेक्ट्रोनिक्सले १५ प्रतिशत शेयर ओगटेका छन भने अन्य ब्राण्डहरुले समग्रमा ३३ प्रतिशत हिस्सा ओगटेका छन् ।

यसअतिरिक्त सो अध्ययनअनुसार भारतमा प्रि ओन्ड अर्थात अरुले प्रयोग गरिसकेको स्मार्टफोनहरुको बजार बढिरहेको छ । यसो हुनुमा भारतमा निरन्तर स्मार्टफोन लन्च हुनु र यसले विभिन्न मूल्य श्रृंखलामा छनौटको अवसर हुनु कारण रहेको छ ।

पूर्व स्वामित्व भएका वा पुराना मोबाइल फोनको खरिद बिक्रीमा अझैपनि अनलाइन भन्दा अफलाइन कारोबार अधिक हुने गरेको छ ।

जे भएतापनि भारतमा अनलाइन मोबाइल फोन खरिदबिक्री पनि बढिरहेको छ । ओएलएक्समा लिस्टेड भएका करिब ५९ प्रतिशत स्मार्टफोनहरु पहिलो देखि तेस्रो चौमासिकसम्ममा बिक्री भएका थिए भने प्रत्येक स्मार्टफोनहरुका लागि औसतमा १० वटा क्वेरीहरु आएका थिए । एजेन्सी