सामसंगले फिंगरप्रिन्ट रिकोग्निसन समस्या समाधान गर्न सफ्टवेयर अपडेट गर्यो

Technology Khabar ७ कार्तिक २०७६, बिहीबार

सामसंगले फिंगरप्रिन्ट रिकोग्निसन समस्या समाधान गर्न सफ्टवेयर अपडेट गर्यो

काठमाडौं । सामसंग इलेक्ट्रोनिक्स कम्पनी लिमिटेडले आफ्ना फ्ल्याशिप स्मार्टफोन ग्यालेक्सी एस १० सिरिज र नोट १० सिरिजका स्मार्टफोनहरुमा देखिएको फिंगरप्रिन्ट रिकोग्निसन समस्यालाई समाधान गरेको छ ।

कम्पनीले सो समस्या समाधान गर्नको लागि हालै सफ्टवेयर अपडेट गरेको हो ।

सामसंगले कस्टमर सपोर्ट एप सामसंग मेम्बर्समार्फत माफि समेत मागेको छ र ग्यालेक्सी फोन यूजर्सले उनीहरुको बायोमेट्रिक औथेन्टिकेसनलाई नयाँ सफ्टवेयर भर्सनमा अपडेट गर्न भनेको छ ।

‘सामसंग इलेक्ट्रोनिक्सले उत्पादनहरुको सेक्यूरिटीलाई निकै गंभिररुपमा लिने गरेको छ र सेक्यूरिटीलाई ससक्त बनाउन निरन्तर सुधार र अपडेटहरुमार्फत बायोमेट्रिक औथेन्टिकेसन कार्यलाई बढाईएको छ,’ कम्पनीले आफ्नो कोरियन एपमा भनेको छ ।

सामसंगले ग्यालेक्सी एस १० र नोट १० प्रयोगकर्ताहरु जसले बायोमेट्रिक डाटा दर्ता गरेका थिए उनीहरुलाई सफ्टवेयर अपडेटको लागि नोटिफिकेसन पठाउने बताएको छ ।

यसअघि एक बेलायती प्रयोगकर्ताले उनको ग्यालेक्सी एस १० स्मार्टफोनमा लक हुँदा दर्ता नै नभएको बायोमेट्रिक फिंगरप्रिन्टबाट खोलिएको जानकारी दिएकी थिईन् ।

सामसंगले सिलिकन केसहरुसहित आउने केहि प्रोटेक्टरहरुमा फिंगरप्रिन्ट रिकोग्नाइजेसन हुँदा यस्तो समस्या हुनसक्ने उल्लेख गरेको थियो । रोयटर्सबाट

TK Viber

प्रकाशित: ७ कार्तिक २०७६, बिहीबार

Loading...