Technology Khabar २० आश्विन २०७६, सोमबार
काठमाडौं ।
काठमाडौं । आइफोन मेकर एप्पल इंकले आफ्नो आइफोन सिक्सएस मोडलमा देखिएको समस्यालाई समाधान गर्ने बताएको छ । कम्पनीले शुक्रबार आइफोन सिक्सएस र आइफोन सिक्सएस प्लस ह्याण्डसेटहरुमा देखिएको पावर अन नहुने समस्या कुनै कम्पोनेन्टमा देखिएको त्रुटीले भएको बताएको छ ।
कम्पनीले त्यस्ता ह्याण्डसेटहरुलाई निशुल्क मर्मत गरिदिने जानकारी दिएको छ ।
आइफोन निर्माताले तोकिएको सिरिज नम्बर भएका डिभाइसहरुमा मात्र त्यो समस्या देखिएको र त्यस्तो डिभाइसहरु अक्टोबर २०१८ देखि अगस्ट २०१९ को अवधिमा एसेम्बल भएको बताएको छ ।
एप्पलले सन् २०१५ मा आइफोन सिक्सएस लन्च गरेको थियो भने यो मोडल अझैपनि भारतको बेग्लुरुमा रहेको विस्ट्रन कर्पको स्थानिय यूनिटमा एसेम्बल हुँदै आएको छ । एजेन्सी
*हेडलाइन सच्याईएको ।
प्रकाशित: २० आश्विन २०७६, सोमबार