गूगल प्ले स्टोरमा एक महिनामै भेटिए १७२ जोखिमयुक्त एप्सहरु, एडवेयरयुक्त छन् अधिकांश एप्स

काठमाडौं । अनुसन्धानकर्ताहरुले गूगल प्ले स्टोरमा सेप्टेम्बर महिनामा मात्रै १७२ वटा भाइरसयुक्त एप्स भेटेका छन्, जसमध्ये ३३५ मिलियन इन्स्टल भईसकेको भेटिएको हो ।

इसेलका अनुसन्धाकर्ता लुकास स्टेफान्कोका अनुसार प्रमुख १७२ वटा मालिसियल एप्सले विशेषगरि एडवेयर पठाउने गरेका थिए ।

‘अनावश्यक एड वा एडवेयर निकै लोकप्रिय क्याटोगरी हो किनकी एप इन्स्टल गरेपछि त्यसले इनपुट लिनको लागि केहि रिक्वेस्ट गर्दैन् । यो बैंकिङ्ग ट्रोजन जस्तै हुन्छ र डेभलपरहरुका लागि सामान्यरुपमा शुरुवाती चरणबाटै आम्दानी गराईरहेको हुन्छ,’ स्टेफान्कोले थ्रेडपोस्टमा भनेका छन् ।

उनकाअनुसार यो एडवेयर बनाउन अन्य एन्ड्रोयड र्यान्समवेयर वा बैंकिंग ट्रोजन जस्तो कठिन पनि छैन् ।
मालिसियल एप्लिकेसनहरुमा एडवेयर, सब्सक्रिप्सन स्क्याम, नदेखिने विज्ञापनहरु, एसएमएस प्रिमियम सब्सक्रिप्सन र अन्य विषयहरु रहेका छन्।

रिपोर्टकाअनुसार अधिकांश एप्सहरु जुन मालिसियल भएका र प्रभावित भएका भनिएका हटाईसकिएको छ ।

यस्तै एउटा रिपोर्टका आधारमा गत महिना मात्रै गूगलले ४६ वटा एप्सहरु हटाएको थियो ।

Leave a Reply