बहुप्रतिक्षित मोबाइल गेम ‘कल अफ ड्यूटीः मोबाइल’ सार्वजनिक, पहिलो दिन नै टप ट्रेण्डिंगमा

काठमाडौं । मोबाइल गेमरहरुले निकै प्रतिक्षा गरिरहेको मोबाइल गेम कल अफ ड्यूटी रिलिज भएको छ । मंगलबार रिलिज भएको सो गेम लन्च हुने बित्तिकै टप न्यू एप्सको सूचीमा परेको छ ।

कल अफ ड्यूटीः मोबाइल (Call of Duty: Mobile) निशुल्क डाउनलोड गरेर खेल्न सकिने गेम हो । यो आईओएस र एन्ड्रोयड डिभाइसहरुका लागि उपलब्ध छ ।

यसमा फस्ट पर्सन सुटिंग गेम भने इन एप पर्चेजमा रहेको छ जसको शुरुवाती शुल्क १.४९ अमेरिकी डलरदेखि अधिकतम १५९.९९ अमेरिकी डलरसम्म तोकिएको छ ।

यो गेम यसअघि नै एप्पलको अमेरिकी एप स्टोरमा दोस्रो उच्च ग्रोसिंग एपको रुपमा रहेको सेन्सर टावरले उल्लेख गरेको छ । तर गूगल प्ले स्टोरमा भने र्याकिंग गरिएको छैन् ।

कल अफ ड्यूटी गेममा नयाँ ब्याटल रोयल मोड रहेको छ जसमा प्लेयरहरुले एक पटकमा १०० जना मानिसहरुसँग फाइट गर्न सक्दछ ।

मंगलबार सार्वजनिक भएको सो मोबाइल गेम चिनियाँ टेक कम्पनी टेनसेन्टले टिमी स्टूडियोसँग मिलेर बनाएको हो । तर चीनमा नै सो गेम निकै कडा अनुमतिपछि मात्र उपलब्ध गराईएको हो । यसअघि टेनसेन्टको चर्चित मोबाइल गेम पबजी चीनमा सार्वजनिक हुन पाएको थिएन् । एजेन्सी

Leave a Reply