ह्वावेले मेट ३० स्मार्टफोन सिरिज चीनमा ४० प्रतिशतसम्म छुटमा बिक्री गर्दै, ५जी मोडल नोभेम्बरमा

काठमाडौं ।

काठमाडौं । ह्वावे डिभाइसहरुको विश्वबजारमा बिक्री घट्दोक्रममा रहेपनि चीनमा भने ह्वावेको नयाँ फ्ल्यागशिप स्मार्टफोनको माग निकै बढेको छ । कम्पनीले हालै सार्वजनिक गरेको ह्वावे मेट ३० सिरिजको लागि ह्वावे चीनमा निकै राम्रो आम्दानी गर्न सफल भएको छ ।

मेट ३० सिरिज आधिकारीकरुपमा चीनमा सेप्टेम्बर २६ देखि बिक्रीका लागि उपलब्ध रहेको थियो जसमा कम्पनीले करिब ७० मिलियन डलर बराबरको आम्दानी भीमल डट कमको बिक्रीबाट पहिलो मिनेटमा नै कमाएको छ । कम्पनीले आफ्ना डिभाइसहरु बजारमा ४० प्रतिशतसम्मको छुटमा बिक्री गरिरहेको छ ।

ह्वावेले ४जी भर्सन हाल लन्च गरेर ५जी भेरिएन्ट नोभेम्बरमा लन्च गर्ने योजना लिएको छ । ह्वावेले मेट ३० को बेस मोडलको मूल्य चीनमा ३,९९९ यूआन राखेको छ जून कम्पनीले लन्च गरेको समयमा तोकिएको रिटेल मूल्य ७९९ यूरोको तुलनामा करिब ३५ प्रतिशत कम हो ।
ह्वावेका सिईओ रिचार्ड यू ले नै चिनियाँ सामाजिक संजालमा ह्वावे मेट ३० को मूल्य कटौतीको घोषणा गरेका थिए ।

मेट ३० सिरिजको सबैभन्दा माथिल्लो तहको फोन मेट ३० प्रो पहिलो दिनमा नै सम्पूर्ण बिक्री भएको थियो भने बेस मोडल मेट ३० अझै उपलब्ध रहेको बताईएको छ । मेट ३० प्रोको लागि अब प्रि अर्डर गर्नुपर्ने हुन्छ ।

पछिल्लो दिनमा ह्वावेले आफ्नो रणनीतिअनुसार चीनको बजारमा ससक्त प्रतिस्पर्धा गरेर बजार हिस्सा बढाउने लिएकोछ । अमेरिकी प्रतिबन्धका कारण ह्वावेको फोनहरु विश्व बजारमा घट्दोक्रममा रहेको छ । अमेरिकी प्रतिबन्धका कारण नै कम्पनीले मेट ३० सिरिजमा गूगलका सर्भिसहरु आधिकारीकरुपमा उपलब्ध रहेका छैनन् ।

स्रोत माध्यम