Technology Khabar ३१ भाद्र २०७६, मंगलवार
काठमाडौं ।
काठमाडौं । विश्वको मूल्यबान टेक कम्पनी एप्पलले यूरोपेली आयोगलाई करको विषयमा जरिवाना लगाउने कानूनी चुनौती दिने भएको छ । एप्पललाई हालै यूरोपेली आयोगले १३ बिलियन यूरो करछलिको आरोपमा तिर्न भनेको थियो ।
एप्पल आयरल्याण्डमा भएको आफ््नो कारोबारमा कर लगाउने विषयमा यूरोपेली संघले सो रकम तिर्न भनेको हो ।
कम्पनीले सो विषयमा लग्जेम्बर्गमा यूरोपेली यूनियनको दोस्रो उच्च अदालतमा हुने सुनुवाईका लागि प्रमुख वित्तीय अधिकारी लुका माएस्ट्रीको नेतृत्वमा ६ सदस्यिय टोली पठाउने अनुमान गरिएको छ ।
सन् २०१६ अगस्टमा कमिसनले सन् १९९१ र २००७ को ट्याक्स रुलिंगले एप्पलको करको समस्यालाई विगत २ दशकदेखि नाटकिय ढंगले घटाउनु गैर कानूनी भएको बताएको थियो ।
यूरोपियन कमिसनका कमिस्नर मारग्रेट भेस्टागेरले एप्पलको आयरल्याण्डमा भएको मूख्य यूनिटले सन् २०१४ मा केबल ०।००५ प्रतिशत मात्र कर तिरेको उल्लेख गरेका थिए ।
तर एप्पलले अहिले आफूले कुनै गलत नगरेको र आइरीस र अमेरिकन ट्याक्स ल मात्र पालना गरेको दाबी गर्ने अनुमान गरिएको छ । यसअघि पनि कम्पनीले एक ब्लगमार्फत यूरोपेली संघको ट्याक्स तिर्ने विषयमा यस्तै दाबी गरेको थियो ।
यो विषयमा आयरल्याण्डले पनि सो कमिसनको अतिरिक्त अधिकारको विषयमा र संघका सदस्यहरुको राष्ट्रिय स्वाभिमानको बारेमा ट्याक्स अफेयरमार्फत हस्तक्षेप गर्न खोजेको भन्दै विरोध गर्दै आएको र हाल संघलाई चुनौती दिने बताईएको छ ।
अर्को यूरोपेली मुलुक लक्जेम्बर्गले पनि आयरल्याण्डलाई थप समर्थन गरिरहेको छ । एजेन्सी
प्रकाशित: ३१ भाद्र २०७६, मंगलवार