अपटेड समाचार

एप्पलको इभेन्ट अगाडि डाउनभयो एप्पल स्टोर, आज राती आइफोन ११ सिरिज लन्च हुँदै

काठमाडौं । अमेरिकी टेक कम्पनी एप्पलले आफ्नो आधिकारिक वेबसाइट डाउन गरेको छ । कम्पनीको एप्पल स्टोर आजको इभेन्ट अगाडि अस्थाईरुपमा डाउन भएको हो ।

एप्पले आफ्नो नयाँ डिभाइसहरु लन्च गर्नुभन्दा अगाडि सँधै यसरी आफ्नो वेबसाइट एप्पल स्टोर अपडेटका लागि डाउन गर्ने गर्दछ ।

कम्पनीले आज बेलुका नै नयाँ मोडलका आइफोन ११, आइफोन ११ प्रो र आइफोन ११ प्रो म्याक्स सार्वजनिक गर्ने अपेक्षा गरिएको छ । एप्पलले यसअघि नै घोषणा गरेको एप्पल इभेन्ट आजराती नेपाली समयअनुसार १० बजेर ४५ मिनेटदेखि शुरु हुनेछ ।

कम्पनीको आजको इभेन्टको स्लोगन बाई इन्नोभेसन ओन्ली रहेको छ । यसमा नयाँ चीपसेटका साथमा अपग्रेड गरिएको क्यामरा सेटअपसहितको आइफोनहरु आउने अपेक्षा छ ।

यसबाहेक कम्पनीले एप्पल वाचको नयाँ भर्सन तथा आइप्याड लन्च गर्नसक्ने अनुमान गरिएको छ । त्यसैगरि कम्पनीले आफ्ना अन्य सेवाहरुको बिस्तारको समेत घोषणा गर्ने अनुमान गरिएको छ ।

एप्पलको सो इभेन्ट आफ्नो एप्पल डिभाइसबाट हेर्न सकिन्छ भने वेबसाइटमा एप्पल स्टोरमा गएर वा एप्पलको आधिकारीक यूट्यूब च्यानलबाट पनि लाइभ हेर्न सकिन्छ ।

Leave a Reply