अपटेड समाचार
फाइल

राष्ट्र बैंकले बै‌कहरुलाई आईटी अडिट गरी समस्या सम्बोधन गर्न भन्यो, भुक्तानी गर्दा प्रणाली जाँचको निर्देशन

काठमाडौं । नेपाल राष्ट्र बैंकले अनुमतिपत्र प्राप्त सम्पूर्ण वित्तीय संस्थाहरुलाई सूचना प्रविधि प्रणालीको अडिट गर्न नयाँ निर्देशन जारी गरेको छ ।

राष्ट्र बैंकले मंगलबार जारी गरेको निर्देशनअनुसार वित्तीय संस्थाहरुमा संचालनमा रहेका प्रणालीहरुको प्रिभेन्टिभ, डिटेक्टिभ र रेस्पोन्सिभ आईटि सेक्यूरिटी स्ट्राटेजी तयार पार्ने र प्रयोगमा ल्याएको आईटी प्रणाालीहरुको सेक्यूरिटी अडिट गरी देखिएका समस्याहरुलाई तत्काल सम्बोधन गर्न भनेको छ ।

त्यसैगरि सबै बैंक तथा वित्तीय संस्थाहरुले आफ्नो वेबसाइट, मोबाइल एप, आधिकारिक सामाजिक संजाल र सूचना प्रविधि प्रणालीमा पनि साइबर अट्याक, मालवेयर भाइरस, र्यान्समवेयर जस्ता जोखिम, बाह्य जोखिम, स्पाम, फिसिंग, स्पूफिंगलगायतका माध्यमबाट वा प्रणालीमा अनधिकृत पहुँच गरी सूचना चुहाव र चोरी तथा आर्थिक चोरीको जोखिम, आधिकारिक सेवाको पहुँच रोक्नेलगायतका जोखिमबाट हुनसक्ने क्षतिलाई न्यूनिकरण गर्न आवश्यक व्यवस्था मिलायन समेत निर्देशन दिएको छ ।

बैंकहरुले प्राविधिक क्षमता सृदृढ गर्ने, सूचना आदान प्रदान गर्दा, भुक्तानी आदेश गर्दा एर्व सेवा प्रवाह गर्दा अबलम्बन गरेका प्रणालीको सत्यता जाँच गरेर मात्र गर्ने व्यवस्था मिलाउनुपर्ने राष्ट्र बैंकले उल्लेख गरेको छ ।

कसैले त्यस्तो प्रणालीको दूरुपयोग गर्ने प्रयास गरेको सन्दर्भमा प्रणालीहरुको आवश्यकताअनुगमनको व्यवस्था गरेर भएका घट्नाहरु र आक्रमणको सूचना सम्बन्धित निकायमा दिने व्यवस्थाको लागि समेत सार्वजनिक सूचना जारी गरेको छ ।

यसबाहेक सूचना प्रविधि आकस्मिक सहायता समूह निर्देशिका, २०७५ अनुसार साइबर सुरक्षा सम्बन्धी घटनामा तत्काल सहायता उपलब्ध हुने व्यवस्था मिलाउनको लागि समेत निर्देशन जारी गरेको छ ।

Leave a Reply