Technology Khabar २४ भाद्र २०७६, मंगलवार
काठमाडौं ।
काठमाडौं । अलिबाबाका अध्यक्ष ज्याक माले ५५ वर्षको उमेरमा मंगलबारदेखि आफ्नो पद हस्तान्तरण गरेका छन् ।
चिनियाँ धनाढ्य तथा ईकमर्श कम्पनी अलिबाबाका संस्थापक तथा हाल अध्यक्ष रहेका ज्याक मा ले आफ्नो सो पद वर्तमान सिईओ ड्यानियल झाँङ्गलाई हस्तान्तरण गरेका हुन् । ज्याकले सो हस्तान्तरणको घोषणा गत वर्ष नै गरेका थिए ।
मा ले अलिबाबाको बोर्डमा आगामी वार्षिक साधारण सभासम्म भने निरन्तरता दिनेछन् । यसबाहेक उनी अलिबाबा पार्टनरसिपको आजिवन सदस्य रहनेछन् । जसमा अलिबाबा ग्रुप कम्पनीहरुको वरिष्ठ व्यवस्थापनका मानिसहरु हुनेछन्, जसले बोर्डमा मनोनित र नियुक्त गर्नेसम्मको अधिकार रहन्छ ।
ज्याक मा ले गत वर्ष नै आफू ५५ वर्षको उमेर पुगेपछि अलिबाबाको सक्रिय कार्यबाट हट्ने घोषणा गरेका थिए । मा ले सन् २०१३ मा नै सिईओको पद छोडेका थिए र जोनाथल लू लाई हस्तान्तरण गरेका थिए भने सन् २०१५ लूले सो पद झाँङ्गलाई छोडेका थिए ।
झाँङ्गले अब अलिबाबाको सिईओ र अध्यक्षको दुबै पद सम्हाल्नुपर्नेछ भने अहिले चीनको ईकमर्श बजारमा देखिएको घट्दो बजारको चुनौती पनि सामना गर्नुपर्ने हुन्छ ।
मा ले आज आफ्नो रिटारमेन्ट दिन छनौट गर्नुको अर्को कारणमा आज चीनमा टिचर्स डे मनाउने गरिन्छ । मा आफैं पनि पूर्व अंग्रेजीका शिक्षक हुन भने उनले अझै आगामी दिनमा फिलान्थ्रोफी बढाउने योजना रहेको बताएका छन् ।
ज्याक मा ले आफ्नो दुई दशकको यात्रामा अलिबाबालाई ४६० बिलियन डलरको व्यवसाय बनाएका छन् । चीनको सबैभन्दा धनी व्यक्ति रहेका उनीसँग मात्रै करिब ४० बिलियन डलर बराबरको सम्पत्ति रहेको छ । एजेन्सी
प्रकाशित: २४ भाद्र २०७६, मंगलवार