फेसबुकले २० देशमा शुरु गर्यो डेटिंग सेवा, डेटिंग लिस्टलाई यूजरले गोप्यरुपमा राख्न सक्ने

Technology Khabar २० भाद्र २०७६, शुक्रबार

फेसबुकले २० देशमा शुरु गर्यो डेटिंग सेवा, डेटिंग लिस्टलाई यूजरले गोप्यरुपमा राख्न सक्ने

काठमाडौं । फेसबुकले अब आफ्ने डेटिंग सेवा सार्वजनिक गरेको छ । यसअघि थर्ड पार्टि डेटिंग एपमा भर परिरहेका फेसबुक यूजरलाई ध्यानमा राखेर कम्पनीले डेटिंग नामक सेवा उपलब्ध गराएको छ ।

हाल यो सेवा अमेरिकामा र अन्य २० देशहरुमा पनि उपलब्ध हुनेछ । यो सेवा अहिले साउथ इस्ट एशियन देशहरुमा लन्च हुन लागेको हो ।

फेसबुक डेटिंगका साथ सिक्रेट क्रस फीचर पनि आएको छ । यो फीचरअन्तरगत फेसबुक यूजर्सले गोप्यरुपमा क्रश लिस्ट बनाउन सक्नेछन्, यदि यो क्रश लिस्ट कमन भएमा यसले दुबै यूजर्सलाई बताउने छ । नत्र सो बारेमा क्रश लिस्टमा कसको नाम राखिएको छ भन्ने जानकारी गोप्य रहनेछ।

फेसबुकमा डेटिंग गर्न निकै सजिलो बनाईएको छ । यसको लागि अतिरिक्त एकाउन्ट आवश्यक नपर्ने र अहिले भएकै एकाउन्टबाट डेटिंग गर्न सकिने सुविधा दिईएको छ । यदि तपाईँले छुट्टै एकाउन्ट चाहनुहुन्छ भने त्यो सुविधा पनि दिईएको छ ।

डेटिंग सेवामा यसअघि नै सो प्रोग्राममा जोडिएका मानिसहरुको बारेमा जानकारी दिएछ भने तपाईँलाई त्यसको बारेमा बताउनेछ ।
यसमा तपाईँले म्याचको लागि प्रतिक्षा गर्नुपर्दैन सिधै तपाईँले सो मानिसलाई मेसेज सेण्ड गर्न वा लाइक बटन दबाउन सक्नुहुनेछ ।

यो डेटिंग सेवामा जोखिम हुनसक्ने र दूव्र्यवहार हुनसक्ने जोखिमलाई कम गर्न फेसबुकले विभिन्न फीचरहरु घोषणा गरेको छ । जसमध्ये एउटा तपाईँले डेट गर्न चाहनेसँगको लोकेसन अन्य साथीहरुसँग मेसेन्जरमार्फत शेयर गर्न सक्नुहुनेछ ।

डेटिंग सेवामा इन्टाग्रामलाई पनि जोडिएको छ यसको अर्थ तपाईँले फलोअर्समध्ये कसैलाई डेटिंग पार्टनर छनौट गर्न सक्नुहुनेछ ।

फेसबुकले तपाईँले बनाएको डेटिंग प्रोफाइलको आधारमा प्राथमिकताको आधारमा सुझावहरु उपलब्ध हुने बताएको छ । कुनै अन्य दोस्रो फेसबुक साथीले तपाईँको डेटिंग प्रोफाइल हेर्न सक्दैन जबसम्म तपाईँले सिक्रेट क्रश फीचर एनेबल गर्नु हुन्न् ।

यसमा रहेको शील्ड आईकन प्रयोग गरेर तपाईँले आउन लागेको डेटको बारेमा आफ्ना परिवारका सदस्यहरुलाई पनि जानकारी दिनसक्नुहुनेछ ।

फेसबुक डेटिंग अमेरिका बाहेक हाल क्यानाडा, ब्राजिल, मलेशिया, मेक्सिको, सिंगापुर, थाईल्याण्ड, भियतनाम, फिलिपिन्सलगायतका २० मुलुकहरुमा उपलब्ध भएको छ ।

प्रकाशित: २० भाद्र २०७६, शुक्रबार

Comments are closed.

Loading...