निनटेण्डोको सफल गेम मारियो कार्ट टूर सेप्टेम्बर २५ मा आउने, प्रि रजिस्ट्रेशन शुरु

काठमाडौं ।

काठमाडौं । गेमिंग कम्पनी निनटेन्डोको सफल रहेको फ्रेन्चाईज मारियो कार्टको नयाँ भर्सन लन्च हुने मिति तय भएको छ । मारियो कार्ट टूर यसअघि सन् २०१८ मा घोषणा भएको थियो भने यो स्प्रिंग सिजनका लागि ल्याउने तयारी भएको थियो ।

बेटा भर्सनमा यसअघि देखिएको सो मारियो कार्ट टूर सेप्टेम्बरमा लन्च हुने पक्का भएको हो । कम्पनीले आफ्नो ट्विटर एकाउन्टबाट मारियो कार्ट टूर यहि सेप्टेम्बर २५ मा आईओएस र एन्ड्रोयडमा लन्च हुने जानकारी दिएको छ ।

निनटेण्डोले मारियो कार्टका लागि छुट्टै ट्विटर ह्याण्डल पनि बनाएको छ र सोहि मार्फत जानकारी दिएको हो । यसैबिच घोषणाका साथमा एन्ड्रोयड यूजर्सले गेमका लागि प्रि रजिस्टर गर्न सक्नेछन भने आईओएस एप स्टोर यूजर्सले भने सो एपको लागि प्रि अर्डर गर्नसक्नेछन् ।

Buckle up, because #MarioKartTour will be available on 9/25. Follow @mariokarttourEN for more information heading into the game's release. pic.twitter.com/1V0njTVWRx

— Nintendo of America (@NintendoAmerica) August 27, 2019

निनटेण्डोले लन्च गरेको प्राइभेट बीटा भर्सनको आधारमा गेम्स मेकानिक्स केहि आउटलेटहरुमा उपलब्ध हुने बताईएको छ । एजेन्सी