सामसंगले ग्यालेक्सी एम४० मा नाइट मोड उपलब्ध गरायो, अगस्ट सेक्यूरिटी प्याच पनि साथमा

Technology Khabar १० भाद्र २०७६, मंगलवार

सामसंगले ग्यालेक्सी एम४० मा नाइट मोड उपलब्ध गरायो, अगस्ट सेक्यूरिटी प्याच पनि साथमा
Classic Tech

काठमाडौं । सामसंगले आफ्नो बजेट सिरिजको स्मार्टफोन ग्यालेक्सी एम४०मा नयाँ सफ्टवेयर अपडेट उपलब्ध गराएको छ । कम्पनीको नयाँ सफ्टवेयरमा अगस्ट सेक्यूरिटी प्याच पनि उपलब्ध रहेको छ ।

सो नयाँ अपडेटमा डेडिकेटेड क्यूआर स्क्यानर फीचर रहेको छ जसको सहयोगबाट प्रयोगकर्ताले क्यामरालाई केन्द्रित गरिएको स्थानमा कोडहरु स्क्यान गर्नसक्नेछ । क्यूआर कोड स्क्यानको लागि लागि अब कुनै थर्ड पार्टि एप्समा भरपर्नुपर्दैन् ।

अधिकांश सामसंग डिभाइसहरुले यो फीचर केहि समयपछि प्राप्त गर्नेछन् ।

सामसंगले नयाँ सफ्टवेयर अपडेटका साथमा उपलब्ध गराएको महत्वपूर्ण फीचर भनेको क्यामराका लागि नाइट मोड हो । यो फीचर केबल ग्यालेक्सी फ्ल्यागशिप स्मार्टफोनहरुमा मात्र उपलब्ध रहेकोमा अब भने कम्पनीले ग्यालेक्सी एम४० मा पनि दिएको छ ।

नाइट मोडको नाम नै जस्तै यदि तपाईँले सो मोडमा क्यामरा स्वीच गरेर लामो एक्सपोजर शट खिच्न सक्नुहुनेछ ।

हाल यो अपडेट भारतीय यूजरलाई मात्र उपलब्ध गराईएको छ । यदि तपाईँको स्मार्टफोन सामसंग ग्यालेक्सी एम४० हो र त्यसमा अपडेट नोटिफिकेसन आएको छैन भने तपाईँले त्यसलाई म्यानुअल्लि चेक गरेर डाउनलोड र इन्स्टल गर्न सक्नुहुनेछ । यसको लागि सेटिंगमा गएर सफ्टवेयर अपडेटमा जानुस र डाउनलोड गरेर इन्स्टल गर्नुस् ।

TK Viber

प्रकाशित: १० भाद्र २०७६, मंगलवार

Loading...