सामसंगले सार्वजनिक गर्यो १०८ मेगापिक्सेलको क्यामरा सेन्सर, शाओमीको नयाँ फोनमा प्रयोग हुने

काठमाडौं । मोबाइल फोन निर्माता कम्पनीहरुबिच स्मार्टफोनमा अधिकम क्षमताका क्यामरा राख्ने होडबाजी चलिरहेको बेला सामसंगले १०८ मेगापिक्सेल क्यामरा सेन्सर लन्च गरेको छ ।

अहिले बजारमा ४८ मेगापिक्सेलसम्मका स्मार्टफोनहरु उपलब्ध रहेका छन भने छिटै ६४ मेगापिक्सेलभएका स्मार्टफोनहरु बजारमा आउने तयारीमा छन् ।

यसैबिचमा दक्षिण कोरियाली टेक कम्पनी सामसंगले भने १०८ मेगापिक्सेलको क्यामरा सेन्सर घोषणा गरेको हो ।

कम्पनीले आईएसओसेल ब्राईट एचएमएक्स सेन्सर (ISOCELL Bright HMX) स्मार्टफोनहरुका लागि घोषणा गरेको छ जसमा १०८ मेगापिक्सेल रहेको छ ।

यसको साइज १/१.१३ इन्च रहेको छ जून अहिलेको ४८ आईएसओसेल ब्राईट जीएम १ भन्दा १२५ गुणा सानो रहेको छ । यसमा ०.८μm पिक्सेल पिच रहेको छ ।

‘शाओमीसँगको नजिकको सहकार्यमा, आईएसओसेल ब्राईट एचएमएक्स पहिलो मोबाइल इमेज सेन्सर हो जसमा १०० मिलियन पिक्सेल राखिएको छ र यसले कलर रिप्रोडक्सनमा अतुलनिय तथा एडभान्स टेट्रासेल र आईएसओसेल प्लस टेक्नोलोजीका साथमा स्टनिंग डिटेल उपलब्ध गराउँछ,’ सामसंग ईलेक्ट्रोनिक्सका सेन्सर बिजनेसका एक्जुकेटिभ भाइस प्रेसिडेन्ट योन्गिन पार्कले भने ।

सामसंगले प्रेस विज्ञप्ति जारी गर्दै यसका १०० मिलियन भन्दा बढि सक्रिय पिक्सेल रहेको बताएको छ । यसले निकै कमजोर लाईटिंग अवस्थामा पनि आश्चार्यजनक फोटोहरु उत्पादन गर्न सक्नेछ । यसमा कम्पनीले टेट्रासेल टेक्नोलोजी प्रयोग गरेको छ जसको अर्थ २७ मेगापिक्सेलको सेन्सरलाई १.६ म्यू पिक्सेल पिचका साथमा ल्याईएको छ । यो सेन्सर स्मार्ट आईएसओका साथमा आउँछ जसले लो आईएसओमा पनि काम गर्दछ ।

सामसंगको १०८ मेगापिक्सेलको सेन्सरले सिक्स के लसलेस भिडियो ३० फ्रेम प्रति सेकेण्डमा खिच्ने क्षमता राख्दछ ।

सामसंगले सार्वजनिक गरेको नयाँ क्यामरा सेन्सरको व्यवसायीक उत्पादन भने अगस्टको अन्तिमबाट हुनेछ भने यो स्मार्टफोन यसअघि शाओमीले घोषणा गरेअनुसार नै शाओमी एमआई मिक्स ४ मा उपलब्ध हुने अपेक्षा गरिएको छ ।

शाओमीका को फाउण्डर ली बिनले शाओमी र सासमंगको सहकार्यले १०८ मेगापिक्सेलको ईमेज सेन्सर तयार पार्न सहयोग गरेको भन्दै यसले डिएसएलआर क्यामराहरुजस्तै तस्विर स्मार्टफोनबाट खिच्न सकिने बताए ।

स्रोत माध्यम

Leave a Reply