Technology Khabar २६ श्रावण २०७६, आईतवार
काठमाडौं ।
काठमाडौं । चिनियाँ स्मार्टफोन मेकर नूबियाले दूईवटा स्क्रीन भएको नयाँ स्मार्टफोन जेड २० सार्वजनिक गरेको छ ।
कम्पनीले ल्याएको यो फोन कभ्र्ड एज डिस्प्ले डिजाइनमा रहेको छ भने यसमा कुनैपनि नोच राखिएको छैन् ।
ड्यूल डिस्प्ले डिजाइन भएको फोनको पछाडिको भागमा पनि एमोलेड डिस्प्ले दिईएको छ । यसमा ६.४२ इन्चको फूलएचडी प्लस एमोलेड डिस्प्ले छ, जसको रिजोल्यूशन १०८०ह२३४० पिक्सेल छ भने पछाडिको भागमा ५.१ इन्चको एचडी फ्लेक्सिबल डिस्प्ले राखिएको छ ।
नूबिया जेड२० मा अक्टा कोर क्वालकम स्न्यापड्रागन ८५५ चीपसेट राखिएको छ भने यसको आन्तरिक स्टोरेज ५१२ जीबी रहेको छ । यो फोन ६ जीबी र्याम र ८जीबी र्याम अप्सनमा उपलब्ध हुन्छ ।
फोटोग्राफीका लागि नूबिया जेड२० मा ट्रिपल रियर क्यामरा सेटअप रहेको छ । यसको प्राइमरी सेन्सर ४८ मेगापिक्सेलको रहेको छ । तर सेल्फीका लागि कुनै छुट्टै क्यामरा छैन्, त्यसैले सेल्फी खिच्नका लागि ट्रिपल रियर क्यामराको प्रयोग गर्नुपर्ने हुन्छ ।
फोनमा इन डिस्प्ले फिंगरप्रिन्ट सेन्सर छ भने यसमा पावरको लागि ४,००० एमएएचको ब्याट्री प्याक रहेको छ । यो फोन ड्यूल सिम प्रयोग गर्न सकिन्छ भने एन्ड्रोयड पाईमा आधारित नूबिया यूआई रहेको छ ।
हाल चिनियाँ बजारमा मात्र उपलब्ध यो स्मार्टफोन चीनमा शुरुवाती मूल्य ३,४९९ यूआनदेखि शुरु हुन्छ । चीनमा यो स्मार्टफोन अगस्त १६ देखि बिक्रीका लागि उपलब्ध हुनेछ । एजेन्सी
प्रकाशित: २६ श्रावण २०७६, आईतवार
