Technology Khabar २४ श्रावण २०७६, शुक्रबार
काठमाडौं ।
काठमाडौं । एन्टिभाइरस निर्माता ईसेटले नयाँ विण्डोज मालवेयर पत्ता लगाएको छ जसले स्पाम क्याम्पेन पठाउनका लागि प्रभावित भएका कम्प्यूटरहरुको प्रयोग गर्दछ ।
जे भएतापनि यो मालवेयरको सबैभन्दा पेचिलो विशेषता भनेको नदेखिने गरिने कार्य हो, जसले पिडित यूजरले कुनै वयस्क साइटहरु हेर्दा त्यसको डेस्कटपलाई रेकर्ड गर्दछ ।
अनुसन्धानकर्ताहरुले यसको नाम ‘भारेनिकी’ भनेका छन् र यो मालवेयर यहि वर्ष मे महिनामा शुरु भएको थियो र यो केबल फ्रान्समा मात्र सक्रिय भएको देखिएको छ।
भारेनिकीको पछाडिका समूहहरुले मालिसियस इन्भ्वाईसहरु स्पाम ईमेलको रुपमा प्रभावित यूजर्सलाई पठाउने गर्दछन् । यो मालवेयरले होस्टको रुपमा एक पटक काम गरेपछि त्यसको मूख्य उद्धेश्य भनेको आफ्नै स्पाम पठाउनु हो ।
यो बाट सिर्जित स्पामले फ्रेन्च यूजर्सलाई मात्र लक्षित गरेको छ भने फ्रान्सको इन्टरनेट सेवा प्रदायक कम्पनी ओरेन्ज एस एका ग्राहकहरुलाई मात्र असर पारेको छ ।
अधिकांश मालवेयरहरुको समयावधिमा तिनीहरुले बेलक विभिन्न किसिमका स्मार्टफोनहरुको प्रोमोसनहरुका लिंकहरु पठाउने गर्दछन तर भारेनिकी नामक मालवेयरले भने गएको जुलाईदेखि सेक्सटोर्सन ईमेलहरु पनि पठाउन शुरु गरेको थियो ।
ती ईमेलहरुमा भारेनिकी मालवेयर अपरेटरहरुले यूजर्सको कम्प्यूटरहरुलाई प्रभावित बनाएको दाबी गर्दथे भने उनीहरुले एडल्ट साइट भिजिट गरेको बेलामा रेकर्ड गरेको बताउने गर्दथे । तर त्यो भ्रम मात्र थियो । एजेन्सी
प्रकाशित: २४ श्रावण २०७६, शुक्रबार