शाओमीद्वारा नेपालमा रेडमी ७ए सार्वजनिक, २जीबी प्लस ३२जीबी भेरियन्टको बजार मूल्य रु. ११,५००

Technology Khabar २१ श्रावण २०७६, मंगलवार

शाओमीद्वारा नेपालमा रेडमी ७ए सार्वजनिक, २जीबी प्लस ३२जीबी भेरियन्टको बजार मूल्य रु. ११,५००

काठमाडौं । शाओमीले रेडमी ए सिरिज लाइनअपको रेडमी ७ ए नेपालमा सार्वजनिक गरेको छ । रेडमी ६ ए लाई पूर्ण रुपमा अपग्रेड गरेर कम्पनीले रेडमी ७ ए नेपाली बजारमा भित्र्याएको छ ।

यसमा क्वालकम स्न्यापड्रेगन ४३९ चिपसेट, ४००० एमएएच ब्याट्री, १२ एमपी सोनीको क्यामेरा सेन्सर र म्याट फिनिस भएको यूनीबडी डिजाइन जस्ता विशेषताहरु रहेका छन् । रेडमी ७ ए मा कम्पनीले दुई वर्षको वारेन्टी प्रदान गरेको छ ।

यस अवसरमा बोल्दै शाओमी नेपालका कन्ट्री जनरल म्यानेजर सौरभ कोठारीले भने, ‘हामी हाम्रा नेपालका एमाई फ्यानहरुलाई नयाँ रेडमी ७ ए फोन ल्याउन पाउँदा निकै खुसी छौं । १२ एमपी सोनीको सेन्सर क्यामेराको अनुभव प्रदान गर्ने २गीगाहर्ज अक्टा–कोर क्वालकम स्न्यापड्रेगन ४३९ ले संचालित रेडमी ७ ए मा अविश्वसनीय विशेषताहरु रहेका छन् । साथै, रेडमी ७ ए ४००० एमएएच ब्याट्री भएको रेडमी “ए” सिरिजकै पहिलो यस प्रकारको स्मार्टफोन हो ।’

रेडमी ७ ए मा १२ एमपी सोनीको सेन्सर रहेको छ जुन सेन्सर भएको यस सेगमेन्टकै पहिलो फोन हो । यस फोनमा उत्कृष्ट पोट्रेट सेल्फीका लागि एआई पोट्रेट मोड सहितको ५ एमपी फ्रन्ट क्यामेरा रहेको छ ।

प्रयोगकर्ताका अनुभवलाई अझै बढाउन, रेडमी ७ ए मा वायरलेस एफएम रेडियो छ जसमा इयरफोनको आवश्यकता बिना नै रेडियो सुन्न सकिन्छ । उत्कृष्ट भिविङ एन्गलका साथ यसमा (५.४५ इन्चको एचडी प्लस फूल स्क्रिन डिस्प्ले रहेको छ । रेडमी ७ ए मा डूअल सिम प्रयोग गर्न सकिन्छ साथै यसमा डेडिकेटेड माइक्रो एसडी कार्ड सल्ट रहेको छ जसले २५६ जीबीसम्म सपोर्ट गर्दछ । रिइन्फोर्सड् कर्नर र स्प्ल्यास प्रुफ डिजाइनले गर्दा फोन खस्दा वा पानीमा भिज्दा पर्ने जोखिमबाट बचाउने कम्पनीको भनाई छ ।

रेडमी ७ ए म्याट ब्लाक र म्याट ब्लु भेरियन्टमा उपलब्ध हुनेछ । २ जीबी प्लस ३२ जीबी भेरियन्ट रु ११,५०० मा अगष्ट ९ तारिखबाट देशभरका आधिकारिक एमआई स्टोर, पार्टनर स्टोर तथा रिटेल च्यानल र डराज डट कम डट एनपी मा उपलब्ध हुने कम्पनीले जनाएको छ ।

TK Viber

प्रकाशित: २१ श्रावण २०७६, मंगलवार

Loading...