एप्पलले घोषणा गरेको एप्पल कार्ड आगामी महिना बजारमा आउने

काठमाडौं । अमेरिकी टेक कम्पनी एप्पलले आफ्नो एप्पल कार्ड अर्को महिनादेखि शुरु गर्ने भएको छ।

कम्पनीका सिईओ टिम कुकले हालै कम्पनीको चौमासिक आम्दानीको बारेमा जानकारी दिँदै एप्पल कार्ड आगामी महिना आउने घोषणा गरेका हुन् ।

एप्पलले कार्डको लागि गोल्डमान साक्ससँग सहकार्य गरेको छ।

‘हजारौं एप्पलका कर्मचारीहरुले दैनिकरुपमा हाम्रो बेटा टेस्टमा एप्पल कार्ड प्रयोग गरिरहेका छन् । र हामी अगस्टमा कार्ड रोलआउट गर्ने योजनामा छौं,’ कुकले भने।