एप्पलद्धारा चार मोडलका आइफोनको बिक्री भारतमा बन्द, इन्ट्रि लेभलको आइफोनको मूल्य बढ्यो

Technology Khabar ३१ असार २०७६, मंगलवार

एप्पलद्धारा चार मोडलका आइफोनको बिक्री भारतमा बन्द, इन्ट्रि लेभलको आइफोनको मूल्य बढ्यो
सांकेतिक

काठमाडौं । एप्पलले आफ्ना सस्तो मूल्यका आइफोनहरुको बिक्री भारतीय बजारमा बन्द गर्ने भएको छ । कम्पनीले अब आफ्नो इन्ट्री लेभलका आइफोनहरुको बिक्री बन्द गरेसँग नयाँ इन्ट्रि लेभलको फोन थप महंगो हुने भएको छ ।

कम्पनीको भारतमा आफ्नो मूल्यलाई कायम गर्ने रणनीतिअन्तरगत कम्पनीले सो निर्णय गरेको बताईएको छ । आगामी दिनमा कम्पनीले आइफोनको संख्या भन्दा पनि त्यसको मूल्यमा ध्यान दिने बताएको छ ।

रिपोर्टअनुसार एप्पलले भारतीय बजारमा आइफोन एसई, आइफोन सिक्स, आइफोन सिक्स प्लस र आइफोन सिक्सएस प्लसको बिक्री बन्द गर्ने भएको हो । यसले भारतीय बजारमा इन्ट्रि लेभलको आइफोन किन्नको लागि आगामी दिनमा थप ८ हजार भारु तिर्नुपर्ने भएको छ ।

भारतीय बजारमा सबैभन्दा सस्तो आइफोनको रुपमा आइफोन एसई रहेको छ । अब ग्राहकहरुले इन्ट्रि लेभलको आइफोनको रुपमा सिक्सएस किन्नुपर्नेछ जसको करिब मूल्य भारु २९,५०० रहेको छ । यसअघि आइफोन एसईको मूल्य २१ हजार भारुदेखि २२ हजार भारुको बिचमा रहेको थियो ।

उल्लेखित चार मोडलका आइफोनहरु कम्पनीले बन्द गरेसँगै स्टक पनि रोकिएको छ । तर यी चार मोडलहरु भने अमेरिकामा उपलब्ध हुनेछन् ।

भारतीय बजारमा एप्पलको आइफोन बिक्री संख्यामा कमी देखिएपनि त्यसबाट हुने आम्दानीहरुमा भने सूधार भएको देखिएको छ । त्यसैले पनि कम्पनीले आफ्नो फोनको आधार मूल्य बढाएर आम्दानी र नाफा समेत बढाउन चाहेको छ ।

कम्पनीले भारतीय बजारमा आफ्नो फोन बिक्रीको संख्यालाई ध्यान नदिने बताएको रिपोर्टमा उल्लेख छ । आगामी दिनमा फोनबाट हुने आम्दानीको मात्रालाई मापन गरिने र सोहि आधारमा नयाँ निर्णय आएको हो । त्यसैगरि फेजआउट गरिएका आइफोन मोडलले कम्पनीको औसत बिक्री मूल्यलाई भारतमा बढाउने संभावनाका कारण त्यसलाई रोकिएको भनाई छ । एजेन्सी

TK Viber

प्रकाशित: ३१ असार २०७६, मंगलवार

Loading...