एप्पलका महंगा आइफोनहरु भारतमा एसेम्बल हुँदै, सस्तो मूल्यसहित आगामी महिनादेखि बजारमा

काठमाडौं । एप्पल इंकको भारतमा फक्सकनले एसेम्बल्ड गर्ने टपइण्ड आइफोनहरु आगामी महिनादेखि भारतीय बजारमा उपलब्ध हुने भएका छन् ।

एप्पलले भारतीय बजारमा स्थानियस्तरमा बनाईएका आफ्ना उच्चस्तरका आइफोनहरु लन्च गरेसँग कम्पनीले आइफोनको मूल्य समेत घटाउने संभावना रहेको छ ।

हालै रोयटर्सको रिपोर्टअनुसार कम्पनीको केहि अनुमतिहरु अझै रोकिएका छन तर भारतमा बनेका आइफोन एक्सआर र एक्सएस डिभाइसहरु भने अगस्टदेखि बजारमा उपलब्ध हुनेछन् ।

एप्पलले भारतमा स्थानियस्तरमा आइफोन एसेम्बल गरेपछि कम्पनीलाई आयातीत डिभाइसहरुको तुलनामा उच्च करको मारबाट राहत हुनेछ ।

कम्पनीले भारतमा आफ्नै रिटेल स्टोरहरु पनि खोल्ने तयारी गरिरहेको बताईएको छ ।

एप्पलका डिभाइसहरु धेरै भारतीयहरुले मन पराउने गरेपनि यसको अधिक मूल्यका कारण भारतमा सिमित स्तरमा मात्र खरिद हुने गरेको छ । यसको भारतीय बजार निकै थोरै रहेको छ ।

कम्पनीले हाल भारतमा सस्तो मूल्यका आईफोनहरु, एसई, एस सिक्स, सेभेन मोडलहरु बेगंलुरुको विस्ट्रोन कर्पको स्थानीय यूनिटमा बनाईरहेको छ ।

कम्पनीले भारतीयहरुलाई केहि सस्तो मूल्यमा उच्चस्तरका आईफोनहरु मेड इन इण्डिया ट्याकलाइनका साथमा उपलब्ध गराएर आकर्षित गर्नसक्ने बताईएको छ।