Technology Khabar २४ असार २०७६, मंगलवार
काठमाडौं ।
काठमाडौं । हुण्डाई इन्डियाले मंगलबार इलेक्ट्रिक एसयूभी (स्पोर्ट युटीलिटी भेइकल) ‘कोना’ भारतमा सार्वजनिक गरेको छ। नेपालमा सार्वजनिक भएको करिव ७ महिनापछि हुण्डाई इन्डियाले ‘कोना’ गाडी भारतमा सार्वजनिक गरेको हो।
सो इलेक्ट्रिक एसयुभी एक चार्जमा ४ सय ५२ किलोमिटरको दूरी तय गर्नसक्ने कम्पनीको दावी छ।
हुण्डाई कोना २ ओटा भर्सन ३९.२ किलोवाट आवर र ६४ किलोवाट आवरमा उपलब्ध छ। तर हाल भारतमा भने ३९.२ किलोवाट आवर भर्सनमा मात्र उपलब्ध भएको छ। ३९.२ किलोवाटको कोनाले १ सय ३१ बिपिएच पावर ३ सय ९५ एनएम टर्क जेनेरेट गर्छ।
हुण्डाईले कोनाका ग्राहकहरुलाई होम चार्जर पनि दिनेछ भने इलेक्ट्रिक एसयूभी चार्ज गर्न विभिन्न पेट्रोल पम्पहरुमा चार्जिग स्टेशन बनाउने भएको छ ।
यसमा इलेक्ट्रिक सनरुप इलेक्ट्रिक पार्किंग ब्रेक फीचरहरु पनि रहेको छ ।
यसको शुरुवाती मूल्य २५ लाख ३० हजार भारुदेखि शुरु हुनेछ ।
प्रकाशित: २४ असार २०७६, मंगलवार