एप्पलले चिनियाँ बजारको लागि अण्डर डिस्प्ले फिंगरप्रिन्ट रिडर भएको आइफोन ल्याउने

Technology Khabar १८ असार २०७६, बुधबार

एप्पलले चिनियाँ बजारको लागि अण्डर डिस्प्ले फिंगरप्रिन्ट रिडर भएको आइफोन ल्याउने
सांकेतिक
Classic Tech

काठमाडौं । एप्पलले चिनियाँ उपभोक्ताहरुको लागि नयाँ छुट्टै फीचरयुक्त आइफोन लन्च गर्ने भएको छ । हालै चीनमा सार्वजनिक भएको मिडिया रिपोर्टअनुसार आइफोनले चिनियाँ बजारमा बिक्री बढाउने प्रयाससहित नयाँ फीचरयुक्त आइफोन ल्याउन लागेको हो ।

आइफोनमा प्रयोग हुने फेसियल रिकोग्निसन सिस्टम फेस आईडी नयाँ आइफोनमा हटाईनेछ, त्यसको सट्टामा एप्पलले अण्डर डिस्प्ले फिंगरप्रिन्ट फंग्सन प्रयोग गर्ने बताईएको छ । कम्पनीले सो कदम खर्चलाई कम गर्न गरिने प्रयासको रुपमा हेरिएको छ ।

मोबाइल उद्योगका जानकारहरुको अनुसार फेस आईडीको मुख्य कम्पोनेन्टको लागि कयौं सय यूआन खर्च हुने रिपोर्टमा उल्लेख छ । फेस आईडी निकै महंगो हुने र एप्पलले मात्र सो अफोर्ड गर्नसक्ने भन्दै यसले आइफोनको पनि मूल्य बढाउनेछ ।

एप्पलले चीनमा ग्राहकहरुलाई आकर्षित गर्न मूल्य कसरी कम गर्न सकिन्छ भनेर हेरिरहेको छ । एप्पलको ओएलईडी स्क्रीनभित्र फिंगरप्रिन्ट रिडर राखेर पातलो बेजेल, सानो नोच भएको सस्तो आइफोन ल्याउने प्रयास गरिरहेको बताईएको छ ।

अण्डर डिस्प्ले फिंगरप्रिन्ट प्रविधियुक्त आइफोन भने चीनको बजारमा मात्र उपलब्ध हुनेछ, जसले एप्पललाई बजार प्रतिस्पर्धा गर्न सहयोगी हुने अनुमान गरिएको छ । अहिले चिनियाँ बजारमा यूजरहरुले ५००० यूआनको हाराहारीमा फ्ल्यागशिप स्मार्टफोन किन्दै आएका छन तर बजेट आइफोनको रुपमा चिनिएको एप्पलको आइफोन एक्सआरले पनि बजार प्रतिस्पर्धा गर्न सकेको छैन् ।

TK Viber

प्रकाशित: १८ असार २०७६, बुधबार

Loading...