विद्यार्थीलाई प्रवेश परीक्षाको तयारी गराउन ‘अभ्यास’ एप सार्वजनिक, कलेजमा भर्नामा सहयोगी हुने

काठमाडौं ।

काठमाडौं । आविश्कार इन्टरप्राइजेज प्रालिले अभ्यास (Avyass) नामक प्रवेश परीक्षा तयारी एप सार्वजनिक गरेको छ । कम्पनीले राष्ट्रिय परीक्षा बोर्ड, डक्टर अफ मेडिसिन र मास्टर अफ साइन्सका विद्यार्थीहरुलाई ध्यानमा राखेर अभ्यास नामक एप लन्च गरेको हो।

अभ्यान एउटा अनलाइन सिकाई प्लेटफर्म हो जसमा बहु छनौटका प्रश्नहरु विस्तृत जानकारीसहित राखिएका हुन्छन् । यसको उद्धेश्य भनेको उत्कृष्ट कलेजहरुमा उनीहरुको आवश्यकताअनुसारको विषय पढ्नको लागि सहयोग गर्नुहो । यसले विद्यार्थीहरुलाई विभिन्न किसिमका परीक्षाहरु र अन्य विषयहरुको बारेमा अनलाइनबाटै तयारी गर्न सहयोग गर्ने कम्पनीले जानकारी दिएको छ ।

अभ्यास एप निशुल्क प्रयोग गर्न सकिने छ भने यसले समय र पैसा दुबैको बचत गर्दछ । यो एप कुनैपनि समय परीक्षा तयारीको लागि प्रयोगगर्न सकिन्छ ।

मोबाइल र डेस्कटप दुबै भर्सनका लागि उपयोगी यो एपमा अनलाइन परीक्षाहरु दिन सकिन्छ भने त्यसको प्रोग्रेस र अन्य विद्यार्थीहरुसँग तुलना गरेर हेर्न समेत सकिन्छ ।

कम्पनीकाअनुसार प्रयोगकर्ताहरुका लागि प्राक्टिस सेसनहरु निशुल्क छ भने आगामी दिनमा साप्ताहिक परीक्षाको लागि भने सामान्य शुल्क लिने योजना गरिएको छ ।

स्टार्टअप एप अभ्यासले आगामी दिनमा ब्याचलर अफ मेडिसिन, ब्याचलर अफ सर्जरी (एबिबिएस) र इन्जिनियरिङ्गका विषयहरु पनि समावेश गर्नेछ । यसबाहेक कम्पनीले ब्याचलर अफ एग्रिकल्चर र लोकसेवा आयोगका परीक्षाका लागि पनि समावेश कोर्षहरु राख्ने तयारी गरेको छ ।

आविश्कार इन्टरप्राइजेज प्रालिका प्रमुख कार्यकारी अधिकृत रोनेश श्रेष्ठले अभ्यास एपले विद्यार्थीहरुलाई अनलाइनमा आवश्यकताअनुसार तयारीको लागि सघाउने बताए ।

‘हामी विश्वस्त छौं कि अन्य कुनैपनि कोचिंग कक्षाहरु नलिएका विद्यार्थीहरुलाई यो एपले समान अवसर दिनेछ । यसले हाम्रो शिक्षण प्रणाली र सिकाईको माध्यमलाई पूर्णरुपमा परिवर्तन गर्न योगदान दिनेछ,’ प्रमुख कार्यकारी अधिकृत श्रेष्ठले भने ।

अभ्यासले विशेषगरी सरकारी विद्यालयहरुमा अध्ययन गरेका विद्यार्थीहरुलाई उत्कृष्ट कलेजहरुमा प्रवेश गराउनका लागि अनलाइन प्राक्टिसमा सहयोग गर्ने उद्धेश्य लिएको उनले स्पष्ट पारे ।

अभ्यास एप हाल २००० भन्दा बढि विद्यार्थीहरुले प्रयोग गरिरहेका छन् ।

कम्पनीका प्रमुख कार्यकारी अधिकृत श्रेष्ठ यसअघि एमआईटी ग्लोबल स्टार्टअप ल्याबले आयोजना गरेको कार्यक्रममा छनौट भएका ३५ जना सहभागी मध्ये एक हुन् ।

एन्ड्रोयड र आइओएस दूबैमा उपलब्ध सो एप तपाईँ पनि प्रयोग गर्न चाहनुहुन्छ र थप जानकारीको लागि कम्पनीको वेबसाइटमा https://avyaas.com/ जानुहोस् ।

एन्ड्रोयड एपको लागि यो लिंकमा जानुस् – https://play.google.com/store/apps/details?id=com.aavishkar.avays&hl=en

आइओएस एपको लागि यो लिंकमा जानुस् – https://apps.apple.com/us/app/avyaas/id1463083096