फाइल शेयरको लागि गूगलले ‘फास्ट शेयर’ फीचर ल्याउँदै, इन्टरनेट नभएपनि तिब्ररुपमा शेयर हुने

Technology Khabar १६ असार २०७६, सोमबार

फाइल शेयरको लागि गूगलले ‘फास्ट शेयर’ फीचर ल्याउँदै, इन्टरनेट नभएपनि तिब्ररुपमा शेयर हुने

काठमाडौं । गूगलले दुई स्मार्टफोनबिच शेयरिंगको लागि प्रयोग हुँदै आएको एन्ड्रोयड बीमको लागि सपोर्ट हटाएको छ । कम्पनीले एन्ड्रोयड क्यूमा सो शेयरिंग फीचरलाई हटाएर नयाँ फीचर ल्याउन लागेको हो ।

गूगलले शेयरिंगको लागि अब फास्ट शेयर (Fast Share) फीचर ल्याउने भएको हो । यो हेर्दा अहिले गूगल फाइल्स एपमा उपलब्ध रहेको सोहि टेक्नोलोजी हो ।

नयाँ फीचर पनि यसअघिको जस्तै लोकल फाइल शेयरिंगको काम गर्ने रहेको छ । फास्ट शेयरले इन्टरनेट नभएको बेलामा नै काम गर्न सक्छ । यसको लागि तपाईँले फोनहरुलाई ट्याप गर्नु पर्दैन भने तपाईँले नजिक भएका डिभाइसहरुको लीस्ट देख्नुहुनेछ । तर यसको लागि ब्लूटूथ र लोकेसन भने अन गर्नुपर्दछ ।

तपाईँले एक पटक शेयर गर्ने डिभाइस सेलेक्ट गरेपछि त्यसलाई एक्सेप्ट गर्नुपर्दछ र सिधै डाटा वाईफाईको माध्यमबाट शेयर हुन्छ । यसलाई प्रयोगगर्दा डिभाइसहरुलाई भने नजिक राख्नु पर्दछ ।यसमा तस्विरहरु, यूआरएल र टेक्स्टहरु शेयर गर्न सकिन्छ ।

संभवत यो फास्ट चार्जबाट एन्ड्रोयड फोनहरुमा मात्र नभई स्मार्टवाच, क्रोम ओएस भएका डिभाइसहरु र अझ भन्दा आइफोनहरुमा पनि काम गर्दछ ।

यो फीचरबाट प्राप्त हुने फाइलहरु ब्लूटूथबाट आउने फाइलहरु जस्तै हुन्छन् । यसलाई तपाईँले तत्काल एक्सेप्ट गर्ने वा रिजेक्ट गर्ने नोटिफिकेसन पनि आउँछ । यसमा तपाईँले आफ्नो डिभाइसको छेउछाउमा फास्ट शेयर उपलब्ध रहेका अन्य डिभाइसहरु पनि हेर्न सक्नुहुनेछ ।

फास्ट शेयर हाल एन्ड्रोयड क्यूमा आधारित पिक्सेल फोनहरुमा मात्र रहेको भएपनि आगामी दिनमा गूगल सर्भिस भएका सबै डिभाइसहरुमा उपलब्ध हुने अनुमान गरिएको छ ।

माध्यम

प्रकाशित: १६ असार २०७६, सोमबार

Comments are closed.

Loading...