Technology Khabar १० असार २०७६, मंगलवार
काठमाडौं ।
काठमाडौं । नोकियाले ५जी प्रविधिको आगमनसँगै नयाँ ब्याट्री टेक्नोलोजी विकास गरेको घोषणा गरेको छ । कम्पनीले विशेषगरि ५जीका लागि सो प्रविधि उपयुक्त हुने बताएको छ ।
नयाँ उत्पादनले अहिले बजारमा उपलब्ध रहेका अल्ट्रा थिन ब्याट्रीहरुको तुलनामा २.५ गुणा अधिक ब्याट्रीलाईफ दिनेछ ।
नोकियाका अनुसार नयाँ ब्याट्री टेक्नोलोजीले बिना चार्ज दोब्बर बढि शक्ति प्रदान गर्दछ । विशेषगरि इन्टरनेट अफ थिंग्समा प्रयोग हुने उपकरणहरुमा आवश्यक पर्ने ब्याट्रीको रुपमा यसलाई प्रयोग गर्न सकिन्छ ।
अहिले इन्टरनेट अफ थिंग्स, इलेक्ट्रिक कारहरु र ड्रोनहरुमा आवश्यक पर्ने महत्वपूर्ण ब्याट्रीको आवश्यकता यसले पूर्ति गर्नेछ ।
नोकिया बले ल्याब्स र एम्बर रिसर्चरहरुले ट्रिनिटी कलेज डब्लिनमा सो नयाँ ब्याट्री टेक्नोलोजी घोषणा गरेका हुन् ।
अहिलेका सबैजसो डिजिटल डिभाइसहरुलाई थप पावर आवश्यक पर्दछ । हामीले प्रयोग गर्ने सबै प्रकारका ग्याजेट्स, जसमा स्मार्टफोनहरु, ड्रोनहरु, इलेक्ट्रिक कारहरु र रोबोटहरुमा प्रयोग हुने नयाँ एप्लिकेसनका कारण तिनीहरुलाई लामो समयसम्म चलाउन उच्च क्षमताका ब्याट्रीहरुको माग बढिरहेको छ ।
यो परियोजनाका नेतृत्वकर्ता पौल किंगले साना स्थानहरुमा अधिक उर्जा राख्नका लागि नयाँ ब्याट्री टेक्नोलोजीले ५जी र त्योसँग सम्बन्धित विश्वको सम्पूर्ण नेटवर्कमा महत्वपूर्ण असर पार्ने बताए ।
प्रकाशित: १० असार २०७६, मंगलवार
