Technology Khabar ५ असार २०७६, बिहीबार
काठमाडौं ।
काठमाडौं । सामसंगको नयाँ प्रिमियम स्मार्टफोन ग्यालेक्सी नोट १० सिरिज लन्च गर्ने तयारी भईरहेको छ । सो स्मार्टफोनको बारमो विभिन्न रिपोर्टहरु धेरै अगाडिदेखि आईरहेका छन भने फीचरहरुको बारेमा पनि जनकारीहरु उपलब्ध हुने गरेका छन् ।
अब भने कम्पनीले सो स्मार्टफोन लन्च गर्ने मिती खुलासा भएको छ । सामसंगले नोट सिरिजाई आउँदो अगस्ट ७ तारिखमा लन्च गर्ने रिपोर्ट आएको छ । सो इभेन्ट न्यूयोर्कको ब्रुकलिनमा हुने बताइएको छ ।
तर सो मितीमा कम्पनीले लन्च गर्दछ वा गर्दैन भन्ने अझै आशंका रहेको छ किनकी सो दिन शनिवार परेको छ ।सामसंगको नोट १० सिरिजमा दुईवटा प्रिमियम स्मार्टफोनहरु आउनेछ जसमा ग्यालेक्सी नोट १० र ग्यालेक्सी नोट १० प्रो हुनेछ ।
नोट १० को बेस मोडलमा ६.४ इन्चको डायनामिक एमोलेड डिस्प्ले राखिने छ भने १२८ जीबी बेस स्टोरेज हुनेछ । त्यसैगरि यसमा ४,१७० एमएएचको ब्याट्री प्याक हुनेछ । यसबाहेक नोट १० प्रो मोडलमा ६.८ इन्चको डायनामिक एमोलेड डिस्प्ले हुनेछ भने यसमा २५६ जीबीको बेस स्टोरेज हुनेछ । यसमा ब्याट्री क्षमता भने समान हुनेछ ।
यसबाहेक नोट १० सिरिजको दुबै मोडलहरुमा साउण्डको लागि नयाँ फीचर राखिनेछ । यसमा साउण्ड अन डिस्प्ले टेक्नोलोजी हुनसक्नेछ जसले आवाजलाई डिस्प्लेको भित्रबाट सुनाउने छ ।
नोट १० सिरिजमा ट्रिपल क्यामरा सेटअप हुने अनुमान छ भने यो स्मार्टफोन एक्सनोज ९८२० र स्न्यापड्रागन ८५५ प्रोसेसर सहित आउनेछ ।
प्रकाशित: ५ असार २०७६, बिहीबार