ह्वाट्सएपले बल्क मेसेज पठाउनेलाई कानूनी कारबाही गर्ने, दूरुपयोग गरेमा एक्सन

Technology Khabar ३१ जेष्ठ २०७६, शुक्रबार

ह्वाट्सएपले बल्क मेसेज पठाउनेलाई कानूनी कारबाही गर्ने, दूरुपयोग गरेमा एक्सन
Classic Tech
Nepal Telecom

काठमाडौं । मेसेजिंग प्लेटफर्म ह्वाट्सएपले पछिल्ला दिनहरुमा फेक न्यूज र गतल सूचनाहरुको बारेमा निकै काम गरिरहेको छ । कम्पनीले आफ्नो प्लेटफर्ममा स्पाम रोक्नको लागि विभिन्न नयाँ फीचरहरु पनि समावेश गरेको छ ।

अब भने कम्पनीले आफ्नो मेसेजिंग प्लेटफर्मलाई गलत तरिकाले प्रयोग गर्ने र दूरुपयोग गर्नेहरुका बिरुद्धमा कारबाही गर्ने भएको छ ।

हालै ह्वाट्सएपले आफ्नो एक पोष्टमा लेखेको छ, ‘सन् २०१९ डिसेम्बर ७ तारिखदेखि ह्वाट्सएप ती मानिसहरुको विरुद्धमा कानूनी कारबाही गर्नेछ जसले हाम्रो टर्म एण्ड सर्भिसको उल्लंघन गरेर गलत काम गरिरहेको छन वा कसैलाई गलत काम गर्न सहयोग गरिरहेका छन् । यसमा अटोमेटेड मेसेजिंग, बल्क मेसेज वा नन पर्सनल यूज समावेश रहेको छ ।’

फेसबुकको अधिनमा रहेको कम्पनी ह्वाट्सएपका प्रवक्ताले टेकक्रन्चसँग भने, ‘ह्वाट्सएप निजी मेसेजिंगको लागि डिजाइन गरिएको थियो । त्यसैले हामी विश्वभर बल्क मेसेजिंग रोक्नका लागि अगाडि बढेका हौं र ह्वाट्सएप एकाउन्टको गलत प्रयोगलाई सिमित गरिएको छ । हामीले दूरुपयोग पहिचान गर्ने क्षमता बढाएका छौं, जसले हरेक महिना विश्वभर २० करोड एकाउन्टहरुलाई प्रतिबन्ध लगाउन सहयोग गरिरहेको छ ।’

तर कम्पनीले कस्तो किसिमको कानूनी कारबाही गर्ने भन्ने स्पष्ट जानकारी भने दिएको छैन् ।

ह्वाट्सएपले अघिल्लो वर्ष भ्रामक सूचना र फेक न्यूज रोक्ने कार्यमा तिब्ररुपमा काम गरीरहेको बताएको थियो । यसको लागि कम्पनीले मसिन लर्निंग सिस्टम निर्माण गरेको थियो जसले यूजर्सको अस्वभाविक व्यवहारलाई पत्ता लगाउने कार्य गर्दछ, जसमा बल्क मेसेज, धेरै एकाउन्ट बनाउने कार्यलगायत रहेका छन् ।

गत वर्षमात्र ह्वाट्सएपले एउटा मेसेज केबल ५ जनालाई मात्र फरवार्ड गर्न सकिने गरी नियन्त्रण गरेको थियो । विशेषगरि छिमेकी मुलुक भारतमा यसका प्रयोगकर्ताहरु अधिक रहेको हुँदा त्यहाँ ह्वाट्सएपको अधिक दूरुपयोग भएको भन्दै विवादहरु आईरहेका छन् । विश्वभर ह्वाट्सएपका १.५ अर्ब यूजर्स छन् भने भारतमा मात्र २० करोड प्रयोगकर्ताले ह्वा्टसएप चलाउने गरेका छन् ।

स्रोत माध्यम

TK Viber

प्रकाशित: ३१ जेष्ठ २०७६, शुक्रबार

Comments are closed.

Loading...