ह्वावेले आफ्नो डिभाइसहरुको लागि नयाँ अपरेटिंग सिस्टम ल्याउँदै, यहि अगस्टमा आउने

Technology Khabar २६ जेष्ठ २०७६, आईतवार

ह्वावेले आफ्नो डिभाइसहरुको लागि नयाँ अपरेटिंग सिस्टम ल्याउँदै, यहि अगस्टमा आउने
नेपालमा ह्वावे पी ३० प्रो लन्च गर्दै । फाईल

काठमाडौं । अमेरिकासँगको समस्यापछि ह्वावेले आफ्नै अपरेटिंग सिस्टम ल्याउने तयारी गरेको छ । अमेरिकाले लगाएको व्यवसायीक प्रतिबन्धपछि कम्पनीले यहि अगस्टमहिनामा नयाँ अपरेटिंग सिस्टम लन्च गर्ने तयारी गरेको छ ।

कम्पनीले चीनमा होंगमेंग ओएसको नाममा नयाँ अपरेटिंग सिस्टम ल्याउनेछ भने अन्य देशहरुका लागि भने ओएक नाममा लन्च गर्ने तयारी गरेको रिपोर्ट आएको छ । कम्पनीले सन् २०१९ को तेस्रो चौमासिकभित्रै नयाँ ओएस ल्याउने भएको हो । हाल सो ओएस परीक्षणको क्रममा रहेको बताईएको छ ।

ह्वावेका कन्जुमर बिजनेस सिईओ रिचार्ड यूले कम्पनीले नयाँ अपरेटिंग सिस्टम ल्याउन लागेको पुष्टि गरेका छन् ।

यसअघि ह्वावेले यूरोपियन यूनियन इन्टेलेक्चुअल प्रोपर्टिमा ह्वावे आर्क ओएस, ह्वावे आर्क, आर्क आर्क ओएस नाममा ट्रेडमार्कको लागि आवेदन दर्ता गरेको थियो । अब भने कम्पनीले आफ्नो देश र अन्य बजारको लागि छुट्टा छुट्टै मार्केट सेगमेन्ट गर्ने तयारीमा रहेको देखिएको छ ।

यसअघि गूगलले अमेरिकी सरकारसँग ह्वावे डिभाइसहरुमा रोक लगाउँदा सेक्यूरिटी रिस्क हुने रिपोर्ट गरेको थियो । गूगलले ह्वावे डिभाइसहरुले नयाँ अपडेट नपाउँदा त्यसले झनै जोखिम बढाउने उल्लेख गरेको थियो । यसअघि गूगलले अमेरिकी प्रतिबन्धको पालना गर्दै नयाँ डिभाइसहरुमा एन्ड्रोयड सिस्टम सिमितरुमा प्रयोग गर्न नपाईने बताएको थियो ।

एजेन्सी

TK Viber

प्रकाशित: २६ जेष्ठ २०७६, आईतवार

Loading...