चीनमा निर्मित टेस्लाको इलेक्ट्रिक भेहिकल मोडल थ्री लन्च, अमेरिकाको भन्दा १३ प्रतिशत सस्तो

Technology Khabar १७ जेष्ठ २०७६, शुक्रबार

चीनमा निर्मित टेस्लाको इलेक्ट्रिक भेहिकल मोडल थ्री लन्च, अमेरिकाको भन्दा १३ प्रतिशत सस्तो

काठमाडौं । इलेक्ट्रिक भेहिकल निर्माता कम्पनी टेस्लाले मेड इन चाइना मोडल थ्री लन्च गरेको छ । कम्पनीले पहिलो पटक चीनमा आफ्ना विभिन्न इलेक्ट्रिक भेहिकल गाडिहरु उत्पादन गर्नेक्रममा पहिलो गाडि मोडल ३ लन्च गरेको हो ।

अमेरिकी इलेक्ट्रिक भेहिकल निर्माता टेस्ला इंकले यो गाडि अमेरिकामा निर्माण भएको मोडल थ्री भन्दा १३ प्रतिशत सस्तो मूल्यमा सार्वजनिक गरेकोछ । कम्पनीले मोडल थ्रीको मूल्य ३,२८,००० यूआन अर्थात करिब ४७ हजार ५ सय अमेरिकी डलर तोकेको छ । यो नयाँ गाडि आगामी ६ महिनाभित्र अर्डर गरेका ग्राहकहरुलाई उपलब्ध गराईनेछ ।

कार मेकर कम्पनीले चीनमा जनवरीदेखि नयाँ फ्याक्ट्री बनाएको छ जहाँबाट पहिलो चरणमा टेस्ला मोडल ३ कारहरु उत्पादन गरिनेछ ।

कम्पनीकाअनुसार चीनमा अहिले उपलब्ध टेस्लाको मोडल थ्री भन्दा नयाँ गाडिको स्ट्याण्डर्ड रेन्ज प्लस मोडल ३ ४९,००० यूआन सस्तो पर्नेछ । चीनमा बनेको मोडल ३ को अधिकतम मूल्य ५,२२,००० यूआनसम्म तोकिएको छ ।

यो गाडि खरिद गर्नका लागि ग्राहकहरुले केबल २० हजार यूआन डिपोजिट गरे पुग्नेछ भने यो गाडि मासिक किस्ता १,१०० यूआनमा किन्न सकिने कम्पनीले वेबसाइटमार्फत जानकारी दिएको छ ।

प्रकाशित: १७ जेष्ठ २०७६, शुक्रबार

Comments are closed.

Loading...