गूगलको एप स्टोरमा गाँजा बेच्न नपाईने, मारिजुआना बिक्रीमा सहयोग गर्ने एप्सलाई प्रतिबन्ध

काठमाडौं । अल्फाबेट इन्कको कम्पनी गूगलले गाँजा तथा त्यो सँग सम्बन्धित उत्पादनहरु बेच्न सहयोग गर्ने एप्समा प्रतिबन्ध लगाएको छ । कम्पनीले हालै परिवर्तन गरेको नयाँ कन्टेन्ट पोलिसीलाई ध्यानमा राख्दै बुधबारदेखि गूगलको एप स्टोरमा मारिजुआना (गाँजा तथा भाँग) तथा सोसँग सम्बन्धित उत्पादनहरुमा प्रतिबन्ध लगाएको हो ।

गूगलका प्रवक्ताकाअनुसार डेभलपरहरुले नयाँ नीति पालन गर्न केबल एपभन्दा बाहिर सपिंग कार्टको अप्सन सार्न आवश्यक छ ।

गूगलले ग्राहकहरुलाई कुनै अवरोध नगरिकन नयाँ नियम परिवर्तनअनुसार कुनै प्राविधिक प्रश्नहरु भएमा जवाफ दिन र सहयोग गर्न धेरै डेभलपरहरुसँग काम गरिरहेको जानकारी दिएको छ ।

हालका एपहरुलाई ३० दिनको पोष्ट लन्चको अप्सन दिएको छ ।

गूगलको निर्णयले गैरकानूनी बजारलाई सहयोग गर्नेहुँदा यो उपयुक्त नभएको र गूगल, एप्पल र फेसबुकले आगामी दिनहरुमा सहि निर्णय गर्ने आशा रहेको एक मारिजुआना ढुवानी एप निर्माताले बताए ।

स्रोत