चीनमा अनलाइन गेम ‘पबजी’ बन्द, त्यसको विकल्पमा ‘गेम फर पिस’ सार्वजनिक

काठमाडौं ।

काठमाडौं । चर्चित अनलाइन गेम पबजीको निर्माता कम्पनी टेनसेन्ट होल्डिंग्स लिमिटेडले चीनमा सो गेम हटाएको छ । कम्पनीले सो गेमका यूजरहरुलाई सोहि प्रकारको अर्को राष्ट्रवादी भिडियो गेममा जोडेको छ ।

चीनमा नियमनकारी निकायले पबजीमार्फत आम्दानी गर्न अनुमति नदिँदा कम्पनीले सोहि प्रकारको अर्को गेममा यूजरहरुलाई जोडेको हो । कम्पनीले करिब एक वर्षसम्म इन एप पर्चेजमार्फत पबजीबाट आम्दानी गर्न कुरेको थियो । तर सरकारले पबजीबाट आम्दानी गर्न अनुमति नदिएपनि अर्को सोहि प्रकारको गेमलाई भने अनुमति दिएको थियो ।

चीनियाँ सामाजिक संजाल वेबो प्लेटर्फममा कम्पनीको आधिकारिक एकाउन्टमार्फत कम्पनीले पबजीको परीक्षणलाई रोकेको बताएको छ । त्यसैगरि कम्पनीले एन्टि टेरोरिजम थीममा आधारित गेम फर पिस लन्च गरेको जानकारी दिएको छ । यो नयाँ गेममा भने यहि अप्रिलमा मनिटाइजेसनको लागि अनुमति पाएको थियो ।

कम्पनीकाअनुसार चीनमा मात्रै पबजीका करिब ७ करोड सक्रिय प्रयोगकर्ताहरुले दैनिक प्रयोग गरिरहेका थिए । कम्पनीले नयाँ गेम फर पिसमार्फत पनि करिब ८ देखि १० बिलियन यूआन वार्षिक आम्दानी गर्ने अुनमान गरिएको छ ।

विश्लेषकहरुले पबजीको विकल्पमा ल्याएको सो गेम पनि बिल्कुल पबजीको जस्तै रहेको बताएका छन् ।

नयाँ गेम पबजी गेम जस्तो रहेको तथा गेम प्ले, ब्याकग्राउण्ड, ग्राफिक डिजाइन र चरित्रहरु पनि उस्तै रहेको यूजर्सहरुले बताएका छन् ।