एलसिडीमा फिंगरप्रिन्ट प्रयोग गर्न सकिने, चिनियाँ कम्पनीले विकास गर्यो नयाँ प्रविधि

Technology Khabar १५ बैशाख २०७६, आईतवार

एलसिडीमा फिंगरप्रिन्ट प्रयोग गर्न सकिने, चिनियाँ कम्पनीले विकास गर्यो नयाँ प्रविधि
Classic Tech

प्रत्येक दिन नयाँ आविश्कार र प्रविधिहरु सार्वजनिक भईरहेका छन् । अझ छिमेकी मुलुक चीनमा त नयाँ प्रविधि र विकास निरन्तर भईरहेको छ । हालै एक चिनियाँ कम्पनीले पहिलो पटक एलईडी डिस्प्लेमा फिंगरप्रिन्ट प्रयोग गर्न सक्ने प्रविधि विकास गरेको छ ।

यसअघि ओएलईडी डिस्प्लेमा मात्र फिंगरप्रिन्ट प्रयोग गर्न सकिने प्रविधि रहेको थियो तर अब भने एलसिडी डिस्प्लेमा पनि यो प्रयोग हुने भएको छ ।

चिनियाँ कम्पनी फोर्टसेन्सले हालै एलसिडी अन स्क्रीन फिंगरप्रिन्ट सोलुसनको विषयमा १६० वटा पेनेन्ट दर्ता गरेको छ । कम्पनीले एलसिडी स्क्रीनमा फिंगरप्रिन्टको सिग्नल इन्टरफेरेन्स हुने विषयलाई समाधान गर्दै नयाँ प्रविधि विकास गरेको हो ।

नयाँ आविश्कारसँगै अब सस्ता र बजेट स्मार्टफोनहरुमा पनि एलसिडी अन स्क्रीन फिंगरप्रिन्ट सोलुसन प्रयोग हुने अनुमान गरिएको छ । विभिन्न मोबाइल फोन उत्पादकहरुले यो प्रविधिलाई यो वर्षको अन्त्यसम्ममै आफ्ना स्मार्टफोनहरुमा ल्याउनसक्ने बताईएको छ ।

यसैबिच चीनको सबैभन्दा ठूलो टेक कम्पनीमध्येको एक साओमीले भने सो प्रविधि यो वर्ष प्रयोग नगर्ने बताएको छ । कम्पनीका प्रडक्ट म्यानेजर वांग तेंगकाअनुसार यो प्रविधि कम्पनीले आगामी वर्ष प्रयोग गर्नेछ र कम्पनीले २,००० यूआन भन्दा कम मूल्य पर्ने उत्पादनहरुमा यो प्रयोग गर्नेछ ।

फोर्टसेन्सले एलसिडी ब्याकलाइट सिस्टममा सुधार र थप परिस्कृत गर्दै फिंगरप्रिन्टलाई त्यसमा राख्न सफल भएको हो ।

TK Viber

प्रकाशित: १५ बैशाख २०७६, आईतवार

Loading...