एप्पलको आइफोन ११मा रिभर्स चार्जिंग, आइफोनबाट अन्य डिभाइस चार्ज गर्न सकिने

Technology Khabar ११ चैत्र २०७५, सोमबार

एप्पलको आइफोन ११मा रिभर्स चार्जिंग, आइफोनबाट अन्य डिभाइस चार्ज गर्न सकिने
Classic Tech
Nepal Telecom

काठमाडौं । एप्पलले यो वर्ष नयाँ आइफोन ल्याउँदैछ, जसको बारेमा अहिलेदेखि नै चर्चा शुरु भईसकेको छ । एप्पलको आइफोन ११ भनिने सो आइफोनमा कस्ता फीचर र डिजाइन हुनसक्छ भन्ने रिपोर्टहरु आएकाछन् ।

एप्पलको नयाँ आइफोन पहिलो पटक वायरलेस पावरसेयर सपोर्ट राखिने रिपोर्ट आएको छ । यस्तो प्रविधियुक्त फीचर यसअघि नै सामसंग र ह्वावेले आफ्ना डिभाइसहरुमा लन्च गरिसकेका छन् ।

सामसंगले हालै ग्यालेक्सी एस १० सिरिजमा वायरलेस चार्जिंग सेयर सपोर्ट फीचर राखेको छ भने ह्वावेको मेट २० प्रोमा यो सुविधा छ ।

एप्पलले पनि नयाँ प्रविधिलाई अबलम्बन गर्दै वायरलेस चार्जिंग सेयर सपोेर्ट ल्याउन लागेको बताईएको छ । यो फीचरको माध्यमद्धारा कुनैपनि एप्पलका अन्य डिभाइसहरु जसमा वायरलेस चार्जिंग फीचर छ त्यसलाई आइफोनमा राखेर चार्ज गर्न सकिन्छ । यो प्रविधिलाई रिभर्स चार्जिंग भनेर बुझिन्छ ।

अहिलेको आइफोनहरुमा फास्ट चार्जिंग सुविधा छैन भने यसमा ५ भोल्टको सामान्य चार्जर राखिएको छ । तर नयाँ आइफोनहरुमा कम्पनीले १८ वाटको पावर चार्जर तथा नयाँ चार्जिंग केबल प्रयोग गर्न सक्ने सो रिपोर्टमा उल्लेख छ । हाल यस्तै चार्जिंग सुविधा आइप्याड प्रोमा राखिएको छ ।

केहि दिनअघि मात्र एप्पलले वायरलेस चार्जिंग सुविधासहितको एयरपोडको अपडेटेड भर्सन लन्च गरेको थियो जसलाई नयाँ आइफोन ११ द्धारा पनि चार्ज गर्न सकिने हुन्छ ।

TK Viber

प्रकाशित: ११ चैत्र २०७५, सोमबार

Comments are closed.

Loading...