ह्याकरले टेस्लाको मोडल थ्री ह्याक गरे, पुरस्कारमा पाए ‘मोडल थ्री’ र ३५ हजार डलर

Technology Khabar १० चैत्र २०७५, आईतवार

ह्याकरले टेस्लाको मोडल थ्री ह्याक गरे, पुरस्कारमा पाए ‘मोडल थ्री’ र ३५ हजार डलर
NTC_Advt

काठमाडौं ।

काठमाडौं । इलेक्ट्रीक कार मेकर टेस्लाको मोडल थ्री कारको सफ्टवेयरलाई ह्याक गरिएको छ । सेक्यूरिटी रिसर्चरहरुको टिमले टेस्ला मोडल ३ कार पावनटूओन २०१९ ह्याकिंग कन्टेस्टमा ह्याक गर्न सफल भएका छन् ।

क्यानाडाको भ्यानकुभरमा आयोजना गरिएको सो ह्याकाथनमा पहिलो पटक गाडि ह्याक गर्न राखिएको थियो भने टेस्लाले ह्याकरलाई गाडि दिने घोषणा गरेको थियो ।

टिम फ्लोरोआसेटेटका अमाट कामा र रिचार्ड झुले टेस्लाको कार ह्याक गर्न सफल भएका थिए । उनीहरुले ब्राउजरमार्फत एक संदेश कारमा पठाउन सफल भएका थिए ।

उनीहरुले जेआईटी बगको प्रयोग गरेको थिए, जसले कारको फार्मवेयरमा विशेष कोड पठाएको थियो र त्यसले कारको इन्टरनेटमेन्ट सिस्टममा संदेश देखाएको थियो ।

ह्याकरको टिमले पूर्व घोषित योजनाअनुसार उनीहरुले सो ह्याक गरेको कार नै उपहारमा प्राप्त गरेका थिए भने अतिरिक्त ३५ हजार अमेरिकी डलर प्राप्त गरेका थिए ।

टेस्ला मोडल ३ ह्याक भएपछि टेस्लाका प्रवक्ताले आगामी दिनमा कारको सफ्टवेयरमा अपडेट गरेर सुरक्षित बनाईने बताए ।

टेस्ला कार ह्याक गर्ने टिम नै सो पावनटूओन २०१९ ह्याकाथनमा बिजेता घोषित समेत भएको थियो ।

सो टिमले एप्पल सफारी, फायरफक्स, माइक्रोसफ्ट एज, भीएमवेयर वर्कस्टेशन र विण्डोज १० ह्याक गरेका थिए । उनीहरुले कुल ३ लाख ७५ हजार डलर प्राइज मनि प्राप्त गर्न सफल भए ।

प्रकाशित: १० चैत्र २०७५, आईतवार