सुविसुसँग भूकम्प प्रभावित जिल्लामा ईन्टरनेट पुर्याउन दिएको रकम असुल गर्नुपर्ने

Technology Khabar १० चैत्र २०७५, आईतवार

सुविसुसँग भूकम्प प्रभावित जिल्लामा ईन्टरनेट पुर्याउन दिएको रकम असुल गर्नुपर्ने
Classic Tech
Nepal Telecom

काठमाडौं । नेपाल दूरसंचार प्राधिकरणले सुबिसु केबल नेट प्रालिलाई भूकम्प प्रभावित ३ जिल्लाहरुमा ईन्टरनेट संचालन गर्न दिएको रकम असुल गर्नुपर्ने महालेखा परिक्षकको प्रतिवेदनले देखाएको छ ।

सुबिसुलाई दिएको रकममध्ये ईन्टरनेट सेवा संचालन नभएको स्थानको समेत भुक्तानी भएको भन्दै सो रकम असुल गर्नुपर्ने महालेखाको प्रारम्भिक प्रतिवेदनमा उल्लेख छ ।

प्रतिवेदनअनुसार धादिंग, गोरखा र मकवानपुर जिल्लामा जडान गरेको ईन्टरनेटको अनुगमन गर्दा ५७९ ग्राहकमध्ये ३४७ स्थानमा मात्र संचालनमा रहेको देखिएको छ । २३२ स्थानहरुमा ईन्टरनेट नै संचालनमा नरहेको उल्लेख छ ।

त्यसैगरि परामर्शदाता कम्पनीले गरेको अनुगमनको प्रतिवेदनहरु पनि सम्बन्धित ईन्टरनेट जडान गरेको कार्यालयहरुबाट प्रमाणित नगरिएको सो प्रतिवेदनले औंल्याएको छ ।

महालेखाले सुबिसुले जडान गरेको सम्पूर्ण साइटहरु प्राधिकरण आफैंले अनुगमन गरि गुणस्तर र शर्तहरु पुरा गरेको तथा दोहोरो जडान नगरेको यकिन गर्न सुझाव समेत दिएको छ ।

त्यसै सुबिसुलाई भुक्तानी गरेको रकम १० करोड ३५ लाख ४० हजार १ सय ५८ रुपैयाँमध्ये ईन्टरनेट संचालनमा नरहेको २३२ स्थानको रकम असुल गर्नुपर्ने महालेखा प्रतिवेदनमा उल्लेख छ ।प्रतिवेदनमा ८ करोड २९ लाख ७५ हजार १ सय ८७ रुपैयाँ असुल गर्नुपर्ने लेखिएको छ ।

TK Viber

प्रकाशित: १० चैत्र २०७५, आईतवार

Loading...