इलेक्ट्रीक कार मेकर टेस्लाले गाडिको मूल्य बढाउँदै, रिटेल स्टोर बन्द नगर्ने

Technology Khabar २७ फाल्गुन २०७५, सोमबार

इलेक्ट्रीक कार मेकर टेस्लाले गाडिको मूल्य बढाउँदै, रिटेल स्टोर बन्द नगर्ने

काठमाडौं । इलेक्ट्रीक कार मेकर कम्पनी टेस्लाले आफ्ना सबै गाडिहरुको बजार मूल्य बढाउने भएको छ । यसअघि कम्पनीले विभिन्न स्टोरहरु बन्द गरेर आफ्नो मूल्यलाई स्थिर राख्ने बताउँदै आएको थियो । तर हाल कम्पनीले आफ्नो विचारमा परिवर्तन गर्दै स्टोरहरु खुलै राख्ने तर गाडिहरुको मूल्य भने बढाउने निर्णय गरेकोछ ।

कम्पनीले विश्वभर आफ्ना टेस्ला गाडिको मूल्यमा यहि मार्च १८ तारिखदेखि ३ प्रतिशतसम्मको वृद्धि गर्ने भएको हो । तर हालै सार्वजनिक गरेको ३५ हजार अमेरिकी डलर मूल्यको मोडल ३ गाडिको मूल्य भने यथावत नै राख्ने भएको छ ।

कम्पनीले मोडल थ्रीएस, मोडल एस र मोडल एक्सको मूल्य बढाउने भएको छ । कम्पनीले सबै रिटेल स्टोरहरुको छुट्टाछुट्टै मूल्यांकन गरेपछि यो निर्णय लिएको जनाएको छ । यसअघि नै कम्पनीले करिब १० प्रतिशत टेस्ला स्टोरहरु बन्द गरिसकेको छ ।

यसअघि कम्पनीले सबै स्टोरहरु बन्द गर्ने र अनलाईनबाट मात्र विश्वभर टेस्ला गाडिहरु बिक्री गर्ने बताएको थियो । यसो गर्दा कम्पनीले गाडिको मूल्यमा ६ प्रतिशतसम्मको कम मूल्य गर्न सकिने बताउँदै आएको थियो । तर हाल कम्पनीले अचानक आफ्नो योजनामा परिवर्तन गरेको उल्लेख छ ।

प्रकाशित: २७ फाल्गुन २०७५, सोमबार

Comments are closed.

Loading...