अढाईसय वटा डिभाइस एकैपटक जोड्न सकिने साओमी मेस राउटर, चारवटा च्यानल प्रयोग हुने

काठमाडौं । चिनियाँ टेक कम्पनी साओमीले आफ्नो नयाँ राउटर सार्वजनिक गरेको छ । कम्पनीले हालै आधिकारिकरुपमा चीनमा वेबो च्यानलमार्फत साओमी मेस राउटर उपलब्ध भएको जानकारी दिएको हो ।

सो च्यानकाअनुसार यो वाईफाई राउटरले एकैपटक विभिन्न उपकरणहरु कनेक्ट गर्न सकिन्छ । यसमा दुईवटा राउटरको समस्या रहेको छ, जसले वाईफाई नेटवर्क सिग्नलमार्फत घरेलु उपकरणहरु कनेक्ट गर्न सकिन्छ ।

नयाँ साओमी मेस राउटरमा क्वालकम डाकोटा क्वाडकोर एआरएम प्रोसेसर राखिएको छ, जसमा ७१७मेगाहर्जसम्म पुग्ने सिंगल कोर फ्रिक्वेन्सी रहेको छ । यसले गर्दा अनलाइन भिडियो प्लेब्याक सहजरुमा हुने र समग्रमा कार्यक्षमतामा अभिवृद्धि हुने बताईएको छ ।

यो साओमी मेस राउटरमा २५६ एमबीको आन्तरिक मेमोरी रहेको छ जसले गर्दा राउटरले डिभाइससँग निरन्तर कनेक्ट गर्न सक्नेछ । यो मेस राउटरको प्रत्येक सेटले २४८ वटा डिभाइसहरु एकैपटक कनेक्ट गर्न सकिने र यो निरन्तर हुनसक्ने बताईएको छ ।

साओमीको नयाँ राउटरमा चार च्यानल सपोर्ट गर्ने हाइब्रिड नेटवर्किंग प्रविधि प्रयोग गरिएको छ, यसले २.४गीगाहर्जको वाईफाई, ५गीगाहर्जको वाईफाई, गीगाबिट पावर लाइन र नेटवर्क केबल हाईब्रिड नेटवर्किंग प्रयोग गर्दछ ।

यसमा बताईएअनुसार यसको नेटवर्किंग स्पीड अधिकतम २५६७ मेगाबाइट प्रतिसेकेण्ड छ ।

साओमी मेस राउटरको अर्को विशेषता भनेको यसले अटोमेटिक आइडेन्टिफिकेसन टेक्नोलोजी रहेको छ जसले नेटवर्क पोर्टलाई सिधै पहिचान गर्दछ र त्यसको लागि डब्लूएएन, एलएएन पोर्ट आवश्यक पर्दैन् । होम नेटवर्कमा कुनैपनि नेटवर्क पोर्टलाई इन्टरनेट प्रयोगको लागि जोड्न सकिन्छ ।