सामसंगले एम सिरिज लन्च गर्दै, बजेट फोनका तीन वटा मोडल आउने

Technology Khabar ३० पुष २०७५, सोमबार

सामसंगले एम सिरिज लन्च गर्दै, बजेट फोनका तीन वटा मोडल आउने
Classic Tech

काठमाडौं । सामसंगले नयाँ सिरिज लन्च गर्ने तयारी पुरा गरेको छ । कम्पनीले मिड रेन्ज र बजेट रेन्जका स्मार्टफोनहरु अब ग्यालेक्सी एम सिरिजमा ल्याउने तयारी गरेको हो ।

कम्पनीले ल्याउने नयाँ सिरिजले अहिले बजारमा रहेको ग्यालेक्सी जे र ग्यालेक्सी अन सिरिजलाई पूर्णरुपमा प्रतिस्थापन गर्नेछ ।

सामसंगले एम सिरिजमा पहिलो चरणमा एम १० र एम २० स्मार्टफोन ल्याउनेछ । हालै यी दुई स्मार्टफोनहरु सामसंगको अफिशियल सपोर्ट पेज सामसंग क्ष्ण्डिायको वेबसाइटमा स्पट भएको छ । तर सो वेबसाइटमा नयाँ स्मार्टफोनहरुको बारेमा धेरै जानकारी भने छैन् । यसका साथमा कम्पनीले एम ३० मोडल पनि लन्च गर्ने तयारी गरिरहेको छ।

सामसंगले एम सिरिजको घोषणा र तीन नयाँ स्मार्टफोन मोडलहरु यहि जनवरी २८ मा सार्वजनिक गर्ने भएको हो । कम्पनीले यी स्मार्टफोनहरु सबैभन्दा पहिले भारतीय बजारमा सार्वजनिक गर्नेछ भने यी स्मार्टफोनहरु केबल सामसंगको अनलाइन पोर्टल र अमेजन इण्डियाको वेबसाइटमा मात्र उपलब्ध हुनेछ ।

यसअघि बाहिर आएका लीक्सअनुसार दुबै स्मार्टफोनहरुमा फुल स्क्रीन इनफिनिटी भी डिस्प्ले राखिएको छ जून अन्य ब्राण्डका स्मार्टफोनहरुमा भने वाटरड्रप नोच डिस्प्ले डिजाइनमा आउँछ । दुबै स्मार्टफोनको मुख्य क्यामराहरु ड्यूल क्यामरा सेटिंग छ, जसमा एउटा वाइड एंगल क्यामरा लेन्स हुनेछ ।

सामसंग ग्यालेक्सी एम २० स्मार्टफोनमा ५,००० एमएएच ब्याट्री प्याक हुनेछ भने एक्सनोज ७९०४ चीपसेटका साथमा ४ जीबी र्याम र ६४ जीबी स्टोरेजका साथ आउनेछ ।

त्यसैगरि एम १० स्मार्टफोनमा एक्सनोज ७८७० चिपसेटका साथमा ३ जीबी र्याम र ३२ जीबी स्टोरेज हुनेछ ।

यी दुबै स्मार्टफोनहरु एन्ड्रोयड ९ पाईमा आधारीत वान यूआईमा संचालन हुनेछन् ।

एम १० स्मार्टफोनको मूल्य १० हजार भारतीय रुपैयाँको हाराहारीमा हुनेछ भने एम ३० स्मार्टफोनको मूल्य २० हजार भारतीय रुपैयाँको हाराहारीमा हुने बताईएको छ ।

सामसंगले एम सिरिज लन्च गरेर भारतीय बजारमा हालको चिनियाँ स्मार्टफोन ब्राण्डको जगजगीलाई टक्कर दिँदै बजारमा हाल दोस्रो स्थानमा रहेको अवस्थालाई माथि उठाएर पहिलो नम्बरको ब्राण्ड बन्ने योजना लिएको छ ।

सामसंगको इण्डियन मोबाइल बिजनेसका प्रमुख असिम वार्सीले रोयटर्ससँग कुरा गर्दै एम सिरिजले भारतीय लाखौं उपभोक्ताहरुको वरिपरि निर्माण र अनुभव हासिल गरेको बताए । उनले यो पहिले भारतीय बजारमा सार्वजनिक हुने र त्यसपछि अन्य बजारमा लन्च गरिने जानकारी दिए ।

उनकाअनुसार अनलाइन सेल्सले कम्पनीको समग्र मोबाइल फोन आम्दानीमा प्रतिशतको आधारमा दोहोरो अंक हुने गर्दछ ।

गत वर्ष मात्र सामसंगले विश्वको सबैभन्दा ठूलो मोबाइल फोन उत्पादन प्लान्ट भारतको बेंगलुरुमा स्थापना गरेको थियो ।

TK Viber

प्रकाशित: ३० पुष २०७५, सोमबार

Loading...