साओमीको रेडमी ब्राण्डमा पहिलो स्मार्टफोन नोट सेभेन सार्वजनिक, ४८ मेगापिक्सेल क्यामरा

Technology Khabar २६ पुष २०७५, बिहीबार

साओमीको रेडमी ब्राण्डमा पहिलो स्मार्टफोन नोट सेभेन सार्वजनिक, ४८ मेगापिक्सेल क्यामरा
रेडमी नोट सेभेन

काठमाडौं । चिनियाँ स्मार्टफोन मेकर साओमीले आफ्नो नयाँ सब-ब्राण्ड रेडमी(Redmi) को पहिलो स्मार्टफोन सार्वजनिक गरेको छ । कम्पनीले चीनमा आयोजित एक कार्यक्रममा हालै सब ब्राण्डको रुपमा घोषणा गरेको रेडमी अन्तरगत रेडमी नोट ७ (Redmi Note 7) स्मार्टफोन लन्च गरेको हो ।

कम्पनीका संस्थापक लीउ जुनले रेडमी अन्तरगतको पहिलो स्मार्टफोन लन्च गरे । यो स्मार्टफोनमा क्वालकमको स्न्यापड्रागन६६० प्रोसेसरको नयाँ अप्टिमाइज्ड गरिएको भर्सन प्रयोग गरिएको छ ।

कम्पनीका संस्थापक तथा सीईओ लीउकाअनुसार यसले स्ट्याण्डर्ड भर्सनको स्न्यापड्रागन ६६० भन्दा उच्चस्तरको कार्यदक्षता देखाउँछ ।

रेडमी नोट सेभेनमा ६.३ इन्चको फूलएचडी प्लस वाटरड्रप डिस्प्ले राखिएको छ, जून रेडमी सिरिजको पहिलो वाटरड्रप डिस्प्ले फोन हो । यो स्मार्टफोनमा ४००० एमएएचको ब्याट्री प्याक राखिएको छ जसले क्विक चार्ज ४ (QC 4) स्ट्याण्डर्ड सपोर्ट गर्दछ ।

फोटोग्राफीका लागि यसमा ४८ मेगापिक्सेलको मुख्य क्यामरा राखिएको छ भने सेल्फीका लागि १३ मेगापिक्सेलको क्यामरा प्रयोग गरिएको छ ।

रेडमी नोट सेभेन तीन वटा भेरिएन्टमा उपलब्ध हुनेछ, जसमा ३/३२ जीबी, ४/६४ जीबी र ६/६४ जीबी छन्। यसको मेमोरी बढाउन माइक्रो एसडी कार्ड पनि प्रयोग गर्न सकिन्छ ।

यो स्मार्टफोन ब्लू, ट्वीलाइट गोल्ड र ब्ल्याक कलर अप्सनमा उपलब्ध हुनेछ जसको शुरुवाती मूल्य ९९९ चीनियाँ युआन अर्थातदेखि शुरु हुन्छ ।

हाल चीनमा मात्र उपलब्ध रहेको यो स्मार्टफोन संभवत केहि दिनभित्रै अन्य बजारहरुमा पनि उपलब्ध हुनसक्नेछ ।

नेपाली बजारमा भने साओमीले भर्खरै रेडमी नोट ६ प्रो (Redmi Note 6 Pro)सार्वजनिक गरेको हुँदा नयाँ स्मार्टफोन केहि महिनामा आउन सक्ने अपेक्षा गर्न सकिन्छ ।

प्रकाशित: २६ पुष २०७५, बिहीबार

Comments are closed.

Loading...