ह्वावे नोभा थ्री आईको मूल्य घट्यो, अब ३६ हजार रुपैयाँमै किन्न पाईने

काठमाडौँ । ह्वावेले नोभा थ्री आई मोबाइल फोनको मूल्य नेपाली बजारमा घटाएको छ । कम्पनीले यो स्मार्टफोनमा करिब ३ हजार रुपैयाँ मूल्य घटाएको हो ।

यसअघि ३८ हजार ९०० रुपैयाँमा उपलब्ध हुने स्मार्टफोन नोभा थ्री आई अब ३५ हजार ९९० रुपैयाँमा किन्न सकिने कम्पनीले जानकारी दिएको छ । यो अफर सीमित समयसम्मका लागि आजदेखि लागू हुने कम्पनीले जनाएको छ।

सन् २०१८को जुलाईमा यो स्मार्टफोन सार्वजनिक गरिएको थियो।

नोभा थ्री आईका विशेषताहरू-

रियर क्यामरा
नोभा थ्री आईमा शक्तिशाली रियर क्यामराहरू पनि रहेको छ। रियर क्यामरामा १६ एमपीको प्राइमरी सेन्सर तथा २ एमपीको सेकेण्डरी सेन्सर पनि छ । प्राइमरी सेन्सरले स्पष्ट तस्वीरहरू र भिडिओहरू खिच्दछ भने सेकेण्डरी क्यामराले न्याचुरल देखिने तस्वीरहरू खिच्दछ ।

डुअल फ्रन्ट फेसिङ क्यामरा
नोभा थ्री आई मा २४ एमपी प्राइमरी क्यामरा तथा २ एमपीको सेकेण्डरी क्यामरा रहेको छ । प्राइमरी क्यामराले निकै स्पष्टताका साथ तस्वीरहरू कैद गर्दछ भने सेकेण्डरी क्यामराले डेप्थ डेटा लिन सघाउँछ।

चार अलक्वाड क्यामरा सेटअप
ह्वावे नोभा थ्री आईमा उच्च क्षमताका क्यामराहरू छन् । त्यतिमात्र नभई आर्टि्भिसल इन्टेलिजन्स( एआई क्षमताहरू भएको एसओसी जडित छ जसले सेल्फी खिच्ने अनुभवलाई एउटा पूरै नयाँ स्तरमा पु¥याउँछ ।

सिन चिन्ने क्षमता
ह्वावे नोभा थ्री आईमा सीन रेकग्निशन चिन्ने क्षमता छ । ह्वावे नोभा थ्री आई ले २२ वटा विभिन्न समूहरूअन्तर्गतको पाँच सयभन्दा पनि बढी सिनहरू चिन्दछ र उत्कृष्ट तस्वीहरू खिच्न सघाउँछ ।

डिस्प्ले
यो स्मार्टफोनमा ६.३ ईन्च एफएचडी (२३४०×१०८०) १९.५ः९ को फूल भ्यू रहेको छ । यी विशेषताहरुका कारण नोभा थ्री आईले ठूलो र स्पष्ट फोटोहरू खिच्दछन्। साथै अघिल्ला संस्करणका स्मार्टफोनहरूभन्दा नोभा थ्री आई आकर्षक र पातलो पनि छ।

उपलब्ध रंगहरु
नोभा थ्री आई विभिन्न आकर्षक रङहरूमा उपलब्ध छः आइरिस पर्पल, ग्रेडियन्ट कलर, रातो र सेतो ।

डिजाइन
नोभा थ्री आईमा स्मुथ डबल कर्भ ग्लास प्यानल रहेको छ र नानो टेक्सचर्ड इभेक्ट भएकाले ब्याक प्यानल झनै आकर्षक छ ।

एआई अग्मन्टेड प्रदर्शन
नोभा थ्री आईमा किरिन एसओसी जडित छ। दुईवटा एसओसीहरूले ह्वावेका पछिल्ला एआई क्षमताहरूलाई सपोर्ट गर्दछ साथै सबैभन्दा अग्रणी ईमेज प्रोसेसिङ स्पीड तथा एकुरसी छ जसले प्रयोगकर्ताहरूलाई हाई–टेक अनुभव प्रदान गर्छ ।

किरिन ७१० एसओसी
ह्वावे नोभा थ्री आईमा भने किरिन ७१० एसओसी जडित छ जुन ह्वावेको पहिलो १२ एनएम चिप हो । यसमा सुधारिएको ईमेज सिग्नल प्रोसेसर–आइएसपी राखिएको छ तथा भिडियो प्रोसेसिङका लागि डिजिटल सिग्नल प्रोसेसर–डीएसपी रहेको छ जसकारण नोभा थ्री आईमा उत्कृष्ट फोटो खिच्ने क्षमता प्रदान गर्दछ । थप स्थिर गेमिङ अनुभवका लागि नोभा थ्री आईले ग्राफिक्स प्रोसेसिङ एक्सलेटर प्रविधि–जीपीयू टर्बो सपोर्ट गर्दछ ।

इएमयूआई ८.२
ह्वावे नोभा थ्री आई एन्ड्रोइड ओमा आधारित इएमयूआई ८.२ सफ्टवेयर सिस्टम रहेको छ जसले विभिन्न विशेषताहरूबाट स्वतन्त्र रूपमा एआईको अनुभव गर्न सघाउँछन् ।

ब्याट्री
नन रिमुभेवल ३३४० एमएएच